Proverbios
5 Eluunge tami quimchengerpual ca tami nierpual adümuhun. Famentulayaimi iñche tañi feipin, acordanieafimi tati. 6 Elcünulayafimi ta quimün, fei tüfa cuñiutucuaimu. Piuqueyefinge, fei tüfa cuidanieaimu. 7 Tati quimün, fei tati doi falin dungu. Nierpuaimi quimün. Ca com tami nierpuel meu, nierpuaimi adümuhun. 10 Allcütufinge ca cüme lloufinge tañi feipin, iñche ñi fotüm, femngechi mongeleaimi fentren tripantu. 11 Iñche quimeltunieayu ti rüpü mu ñi mülen quimün. Iñche adnieayu ti norngechi rüpü mu. 12 Cheu rume tami miyahun, chem no rume catrütulayaimu. Ca lefülmi, tranlayaimi. 13 Nüunge tami norümngeel; elcünuquefilnge. Cuñiutucufinge, tüfa am tami eluaeteu mongen. 18 Huelu pu nor che ñi rüpü fei tati pelon reque felei huilüfcülelu pulihuen mu, tüfa ta doi huilüfcülerpuquei cüme hunle chi antü hula. 20 Iñche tañi fotüm, cüme ngüneduamnge tami nütramcaquefiel. Cüme allcütunge tañi feipin. 21 Loncontucunieafimi tati. Cüme piuquentucufinge. 22 Chau Dios tañi feipin montulquefilu am tañi pu peeteu ca tremolquefi tañi cuerpo. 23 Com dungu mu tami cuñiutucuquefiel, doyelchi mai cuñiutucuafimi tami piuque, chem mülele am tami piuque mu elungeaimi cam elungelayaimi mongen. 25 Puuquintulenge müten, cañpüle leliyauquilnge. 26 Cüme ngüneduamafimi cheu tami trecaquen, femngechi cüme miyahuaimi com tami rüpü meu.