Proverbios
6 Eimi chofü, amunge cheu ñi mülen tati collella, ngüneduamaimi chumngechi ñi cüdauquen, fei tami quimchengerpual. 7 Nienolu rume lonco, ñidol cam inei no rume ñi adnieteu, 8 hualüng mu pepicacünuquei tañi iyael ca ngülümquei iyael cosecha mu. 16 Mülei cayu dungu Jehová ñi üdequeel; mai regle dungu quisu ñi ünufalniefiel: 17 tati pu nge mallmangelu, quiñe quehun coila dunguquelu, ca tati cuhu langümquefilu ti che nienolu culpan, 18 quiñe piuque pepicaquelu rume huesaque dungu ñi femal, ca ti pu namun lef amuquelu ñi femal huesaque dungu, 19 quiñe dunguñpequelu coila dungu feipiquelu, ca inei rume amultucuquefilu ñi yafcahual pu peñi. 20 Fotüm, inafinge ñi huercüeteu tami chau, ca famentulayaimi ñi quimeltueteu tami ñuque. 23 Tati huercün dungu quiñe cüdetuhue reque felei, ti ley dungu quiñe pelon reque felei, ca quiñe che ñi quimnieel tañi huelulcan ca cüme lloule ñi ngülamtungeel, fei tüfa quelluayu ñi mongeleal. 28 ¿Cam quiñe huentru trecayahuafui huente cütral mu fei ñi lüfnon ñi namun?