Proverbios

9 Ti rüfngechi quimün deumafi reque tañi ruca; ca tañi regle orcon cüme lafrafi. 2 Cüme pepicafi ti ilo; ca pepicai reyülngechi pulcu. Ca pepicacünufi ti mesa. 3 Huercüfi tañi pu cüdahuelqueteuchi domo ñi amual alüpüralechi lof huaria mu mülelu, fei ñi huiraral: 4 “¡Com pu quimnolu cüpape fau!”. Ti rüfngechi quimün ca feipifi pu quim raquiduamnolu: 5 “Cüpamün, ipafimün tañi cofque ca pütocopayaimün ti pulcu tañi reyülfiel. 6 Quimnolu reque felehuequilmün, fei mongeleaimün; inaniefimün ti quimün ñi rüpü”. 9 Quimeltufinge quiñe quimchengelu, femngechi tañi doi quimchengerpual. Quimeltufinge quiñe nor piuquengelu, femngechi tañi doi quimün nierpual. 10 Quiñe che ñi quimchengeal, hunelu mülei tañi rume yamnieafiel ta Jehová, cafei ñi quimfiel mu ti Doi Alüpüralelu, fei quim ngüneduamngei. 13 Ti domo cüme raquiduamquenolu pofolcauquiyahui. Fei ta quimnochi domo, chem dungu no rume quimlafi. 14 Anücünuuquei tañi hulngiñ ruca mu, anülequei quiñe huancu mu alüpüralechi lof huaria meu, 15 com pu che rupalelu rüpü mu, pu üncücünuulu, ti domo huirarcülen mu mütrümniefi engün: 16 “¡Com pu quimnolu cüpape fau!” pi. Feipifi pu quim raquiduamnolu: 17 “Hueñen co cochüi, ti cofque ellca ingen mu rume cümei” pi. 18 Huelu fei engün quimlai feiti mu ñi mülen pu lachi che, ca quimlaingün tati domo ñi pu mangelel ñi mülen Rüngan mu.