Proverbios

10 Lloulayaimün plata, doi mai llohuaimün tamün norümtuaeteu iñche. Lloulayaimün tati doi cüme oro, doi mai llohuaimün quimün. 13 Pu yamniefilu ta Jehová, üdequefingün quisu ñi üdequeel. Üdequefiñ adcaufe, mallmahun, huesa femün ca huesa entuca dungun. 22 Jehová hune deumaeneu ellaca mu tañi deumael, petu ñi deumanon com ñi cuifique cüdau. 23 Rume fütra cuifi deumangen, ellaca mu, petu ñi mülenon Mapu. 30 Iñche mülefun quisu engu quiñe adümuungechi cüdaufe reque. Fill antü rume ayühulquefun, ca iñche rume ayüucülequefun mülen mu quisu engu. 31 Iñche ayüucülequefun ti mapu mu deumangei ñi müleam pu che, ca rume piuqueyeniefun pu che. 32 Feula cai, iñche ñi pu fotüm, allcütumuchi; ayühun niei tañi pu inanieñmaeteu ñi feipin. 33 Eluumün tamün norümngeal, fei quimchengeaimün, ca ngüyücünuquefilmün.