Eclesiastés

3 Mülei quiñe medin antü ñi femngeal itrocom dungu, quiñe antü ñi femngeal itrocom cüdau Mapu meu: 2 quiñe antü ñi choyüngeal, ca quiñe antü ñi layal; quiñe antü ñi anümcayal ca quiñe antü ñi folilentual ñi anümca; 3 ti antü ñi langümal ca ti antü ñi tremotual; ti antü ñi teifücayal ca ti antü ñi deumayal; 4 quiñe antü ñi ngümayal ca quiñe antü ñi ayeleal; quiñe antü ñi eyütual ca quiñe antü ñi purual; 5 quiñe antü ñi ütrüfentual cura ca quiñe antü ñi ngülümal cura; quiñe antü ñi rofüluhual ca quiñe antü ñi rofüluuhuenoal; 6 quiñe antü ñi quintual quiñe dungu, ca quiñe antü ñi elcünual feichi dungu ñi ñamümel; quiñe antü ñi guardacünual ca quiñe antü ñi ütrüfentual; 7 quiñe antü ñi huichafcayal ca quiñe antü ñi ñidüfal; quiñe antü ñi ñücüfcüleal ca quiñe antü ñi dungual; 8 quiñe antü ñi müleal poyehun ca quiñe antü ñi müleal üdehun; quiñe antü ñi müleal aucan ca quiñe antü ñi müleal tüngün. 10 Ngüneduamün fillque cüdau Chau Dios ñi elufiel ta che, fei ñi nieal duam engün. 11 Yochi cüme antü meu, com cüme adelcacünufi ñi deumael. Chau Dios eli pu che ñi ayünieal tañi rumel mongeleal. Femfule rume, pu che turpu adümlayafi Chau Dios tañi femqueel. 12 Iñche quimürpun, tüfa tati doi cüme dungu quisu engün ngealu: ñi ayüucüleal ca ñi femal cümeque dungu tañi mongen meu, 13 ca com che mülei tañi iyal, ca tañi putual, ca ñi ayüucüleal fente tañi cüdahun mu. Fei tüfa quiñe regalo reque felei Chau Ngünechen mu cüpalu. 20 Com engün tuhuingün trufür mapu meu, ca com engün huiñotuaingün trufür meu. Com engün amuqueingün fei mu.