Eclesiastés

4 Ca quiñe rupa ngüneduamfiñ com tati huesaque dungu ñi femngequeel tati pu che mülelu Mapu mu. Pefiñ ñi ngüman pu huesalcangelu, inei no rume yafültucuquelaeyu engün. Fei tüfachi pu che tañi huesalcamequeteu niefui autoridad. Felei, inei no rume yafültucuquelaeyu engün. 6 Doi cümei pichi ürcütual ta rume cüdahual meu. Tüfa quiñe che reque inantucuyauquelu ti cürüf. 9 Epu che doi cümelcalei tati quisulelu mu, tüfa engu am llouqueingu cümelcan fente ñi cüdahun mu. 10 Fei quiñe tranle, quelluaeyu ñi compañ tañi huitrapüramaeteu. Huelu, ¿chem rupayafui feiti quisulelu tranle ca nienole inei ñi quelluaeteu tañi huitrapüratual? 11 Ca femngechi epu che mür cudulele, fei eñumcüleaingu, huelu ¿chumngechi eñumcüleai tati quisulelu? 12 Cafei quiñe che dicümtucuafui tati quisulelu, huelu epu che nehuencüleafui ñi chaftuafiel fei ti ñi dicümtucueteu. Fei quiñe cüla rumechi füu pürüm catrüfemngelayafui. 13 Quiñe pofre pichi huentru quimchengelu doi cüme felei ta quiñe füchalechi rey huedhuedngelu, pinolu cai ñi ngülamtungeal.