Eclesiastés

3 Fill raquidammequen mu ta che, peumaquei [...]. 4 Chumül rume eldungucünufilmi ta Chau Ngünechen, alüñmaquilnge tami femürpual, quisu am ayüquenofilu pu quimchengenolu. Femnge tami eldungucünuel. 5 Feipicünulmi tami femal quiñe dungu, huelu femnolmi, doi cümeafui tami feipicünunoal. 6 Culpaquilnge tami hun ñi duam mu, ca tati cüme püllü ñi adquiñ mu feipilayaimi: “Huelulcan müten” [...] . 7 Fill raquiduammequen mu ta che, peumaquei. Ca femngechi, rumeñma dungule ta che, ñi dungu faliquelai. Huelu eimi, yamnieafimi ta Chau Ngünechen. 8 Tami mülen mu pefilmi quiñe gobernante ñi huesalcamequefiel pu pofre ca ñi femquen norngenochi dungu, afmatuquilnge. Feichi gobernante penieyu quiñe doi fütra gobernante. Ca feichi fütra gobernante penieyu quiñe doicülelu quisu meu. 10 Quiñe che piuqueyequefilu tati plata tuduamquelai plata meu, ca quiñe piuqueyequefilu ti falinque fillem tuduamquelai tañi huehuelchi plata mu. Tüfachi dungu ca falin-ngelai. 12 Tati cüdauquelu, fentren cam pichin icünule rume, cüme umautuquei; huelu ti ricu ñi nien mu fentren fillem, pepi umautuquelai. 18 Tañi pequeel feita rume cümei ca ayüfalngei: quiñe che ñi iyal ca ñi pütocoal. Ca femngechi ñi ayüucüleal tañi nehuentu cüdahun mu miñche antü mu, pichin mongen am elueteu ti rüfngechi Ngünechen. Fei ta quiñe yehun reque tañi elungeel. 19 Cafei, ti rüfngechi Ngünechen elufiel mu quiñe huentru falinque chemcün ca ñi ayüucüleal feitachi dungu mu, ti huentru cüme llohuafi tañi elungeel ca ayüucüleai tañi nehuentu cüdahun mu. Fei ta quiñe yehun reque felei cüpalu Chau Dios mu. 20 Tañi rüfngechi Ngünechen quelluaeyu ñi raquiduamcüleal ñi ayüucülen tañi piuque, feimu müte raquiduamlayai ñi pichiñmaquen tañi mongen.