Eclesiastés

7 Quiñe cüme üi doi cümei ta cüme aceite meu, ca feichi antü ñi lan doi cümei tati antü mu ñi choyüngen. 2 Cümei amual cheu ñi mülen ta fiesta, huelu doi cümei amual pu layeluulu ñi ruca mu. Com che puhuai ñi layal, feimu pu mongelelu mülei ñi raquiduamcüleal tüfachi dungu mu. 7 Huelu quiñe quimche dicümtucungele huedhuedafui, ca quiñe huesa cullitu huesalcayafui piuque. 8 Doi cümei ñi fentepuhun quiñe dungu tañi ellacon mu. Doi cümei tati ñochi duamngechi che ta quiñe mallmangelu ñi piuque mu. 9 Lladcüfemquilnge, pu huedhued quimfalngelu am ñi lladcüfemquen mu. 10 Feipiquilnge: “¿Chumngelu am cuifique antü doi cümequefui ta famülque mu?”. Pengelquelu am nienon quimün tami ramtuel tüfa. 12 Ti quimün am cuñiutucuchequei chumngechi ñi cuñiutucuchequen ta plata, huelu doi cümei ta quimün, tüfa montulquefilu am tati pu nielu quimün. 16 Rume nor chengelu ca quimchengelu caquelu meu troquiulayaimi. ¿Chemu quisutu huesalcahuafuimi? 17 Rume huesa chengelayaimi ca huedhued chengelayaimi. ¿Chumngelu mülei tami layal petu ñi puunon tami antü? 18 Cümei tami inayal quiñe tüfachi ngülam, huelu rulpacünulayafimi ti cangelu. Feiti che yamniefilu ta Chau Dios inayafi ti epu ngülam. 20 Mapu meu tunte norngele rume quiñe che, rumel femquelai cümeque dungu ca culpaquei. 21 Cafei, piuquentucuquilnge com ñi feipiyauquen pu che, femülmi, allcütuafuimi tami cüdaufeyefiel tami huesa pitueteu; 22 eimi cüme quimnielu am fentren rupa tami ca huesa pitufiel ta caquelu.