Eclesiastés

9 Com tüfachi dungu pefiñ, ca cüme ngüneduamniefun com tati cüdau femngequelu Mapu meu, com feichi antü mu tati pu che ñi ngüneniefiel caquelu pu che, fei quiñentrür ñi huesalcalerpual engün. 12 Quiñe che patacaquechi culpayafui, ca fentreñma mongelerpuafui, huelu pu yamniefilu tati rüfngechi Ngünechen, quimnien ñi cüme miyahual engün tañi yamniefiel mu. 13 Huelu ti huesa piuquengelu cüme miyaulayai, tañi yamnienofiel ta Chau Ngünechen, ca alüñma puulayai tañi mongen, quiñe llaufeñ reque felelu. 15 Feimu iñche ngülamtuquen ta che ñi ayüucüleal. Ti che mülei tañi iyal, putual ca ayüucüleal, fei tüfa tati doi cüme dungu tañi femafel mapu meu. Huelu cafei mülei tañi cüdahual nehuen meu tunte ñi elueteu Chau Dios ñi mongeleal mapu mu.