Eclesiastés

5 Mongelechi che quimingün tañi layal engün; huelu tati pu layelu chem dungu no rume quimhuetuquelaingün, ca cullingehuequelai, deu ngoimayelu am engün ñi raquiduam. 6 Ca ñi piuqueyehun, ñi üdehun, ca ñi ütriruhun ngehuequelai, ca turpu coneltuhuelai chem dungu mu rume ñi femal miñche antü mu. 7 Amunge, iñmunge tami iyael ayühun mu, ca putuñmunge tami pulcu cüme duam mu, Chau Ngünechen am cüme duamcülei tami femün mu. 10 Com dungu tami femal tami cuhu mu, femnge com tami nehuen mu, fei ngenolu am cüdau, adcünun, quimün ca ngüneduamün Rüngan meu, cheu tami amual. 11 Ca quiñe dungu pen ñi rupaquen Mapu meu, tati pu matu lefquelu rumel hueuquelaingün ti cuden, tati pu nehuen-ngelu rumel hueuquelaingün ti hueichan, tati pu quimchengelu rumel niequelaingün iyael, tati pu pepiluhun-ngelu rumel ülmenchengequelaingün, ca pu quimün nielu rumel cüme tripaquelaingün rume, com engün am huesa ruparumeafuingün. 18 Quimün doi cümei ta hueichahue mu, huelu quiñe culpafe müten apümcayafui fentren cümeque dungu.