Ezequiel

3 Fei quisu feipieneu: “Huentru ñi fotüm, ifinge chem tami nieel tami adquiñ mu. Ifinge tüfachi chumpol lifru, fei hula amunge tami nütramcayafiel pu Israel che”. 2 Iñche nülan tañi hun, fei elueneu ñi iyafiel. 3 Ca feipi: “Huentru ñi fotüm, ifinge ti chumpol lifru tami elumequefiel, fei apolfinge tami pütra”. Feimu iñche eluhun tañi iyafiel, tañi hun meu miel reque cochüntufiñ. 7 Pu Israel che pilaingün tañi allcütuaeteu, feimu ca eluulayaingün tami allcütuaeteu. Com pu Israel che yafü lonco niei ca cura piuque niei. 8 Yafü ange niei engün, ca femngechi yafücünuñmaeyu tami ange. Yafü tol niei engün, ca femngechi yafücünuñmaeyu tami tol. 9 Quiñe diamante reque femcünuñmaeyu tami tol, doi yafülei cura mu. Feichi pu che ngünefalngelai, huelu llicalayafimi engün, tañi ange engün ngelai tami pellquelaeteu”. 10 Fei hula feipieneu: “Huentru ñi fotüm, allcütufinge ca piuquentucufinge com tüfachi dungu tami feipifiel. 17 “Eimi, huentru ñi cüpanche, huerquen reque elcünueyu pu israelche ñi ruca mu; fei allcütulmi quiñe dungun tripalu iñche tañi hun mu, mülei tami quimeldungulelafiel iñche meu. 18 Iñche feipifili quiñe huesa che: ‘Rüfcünu mai layaimi’, huelu eimi quimeldungunofilmi, ca dungunofilmi ñi ngüfetuafiel tati huesa che ta elcünutual ñi huesa miyauquen, fei ñi mongelecayal, feimu tañi huelulcan mu layai huesañmangelu cai, huelu iñche ramtucadunguayu tati huesa che ñi mollfüñ mu. 19 Huelu eimi quimeldungufilmi tati huesa che, fei quisu elcünutunole ñi huesa femün ca tañi huesa miyauquen, quisu ñi huelulcan mu layai, huelu rüfcünu mai quisu tami mongen montulaimi. 20 Huelu quiñe norngechi che elcünule tañi norngen ca huesa femtule, iñche tuculelafiñ quiñe mutrur reque, fei layai. Eimi quimeldungunofilmi, layai quisu tañi culpan mu, ca quisu tañi cümeque femün rulpacünungeai, huelu iñche ramtucadunguayu tati huesa femtulu ñi mollfüñ mu. 21 Huelu eimi quimeldungufilmi tati norngechi che ñi culpanoal, fei culpanole, rüfcünu mai quisu montulai tañi mongen quimeldungungelu am, eimi ca montulaimi tami mongen”.