Daniel

25 Tati lonco ülmen ngünenielu ti norte mapu nehuencünuhuai, ca tañi pu hueichafe engün malocontuafi tati lonco ülmen ngünenielu ti sur mapu. Huelu tüfachi lonco ülmen ngünenielu ti sur mapu pepicaucüleai ca nieai fentren fütraque hueichafe ñi hueichayafiel ti cangelu lonco ülmen. Huelu tati lonco ülmen ngünenielu ti norte mapu pepicalelngeai huesaque dungu, feimu hueungeai. 26 Tati lonco ülmen ngünenielu ti norte mapu misalelquefi ñi iyael ta quiñeque che, huelu fei tüfa engün trantuayu. Tüfachi lonco ülmen ñi pu hueichafe hueucacünungeai, fei fentren layaingün. 27 “Feitachi epu lonco ülmen […] anüleaingu quiñe mesa mu, huelucontu coilatuumequeaingu. […] 30 Tati farcu ñi nieel Kitim mapu caiñetuafi ta quisu, ca quisu yehuen-ngeai. Fei huiñotuai ca rume illcutuafi tati lif eldungun, ca cüme tripayai ñi dungu. Ca huiñotuai ca cüme adquintuai pu elcünulu tati lif eldungun. 31 Ca tañi troquiñ hueichafe tripayaingün ñi hueichayal, quisu engün yamlayafi ti ellcaupeyüm, fei tüfa tati ngillatuhue ruca, müntuñmayafingün ti chalintucuhun hulngequelu fill antü. “Ca huelu elcünuafingün tati ünufalchi huesalcaquelu. 34 […] pichi quellungeaingün. […] 37 Tati lonco ülmen ngünenielu ti norte mapu yamlayafi tañi pu chau ñi Ngünechen, yamlayafi chem ñi ayüqueel pu domo ca yamlayafi chem dios no rume, doi mai doicülelu troquiucüleai. 38 Ca püramyeafi feichi dios poyengequelu cheu ñi cuñiutucuhuam pu che. Tüfachi lonco ülmen tañi nieelchi oro, plata, falinque cura ca tañi falinque fillem mu püramyeafi quiñe dios tañi pu chau ñi quimquenofel. 39 Tati lonco ülmen maneluhuai feichi hue dios mu, fei malocontuafi doi fütraque ruca cheu ñi cuñiutucuquem pu che. Püramyeafi tañi pu quelluqueteu ca eluafi ñi ngünenieal engün ta fentren che. Fei hudamcalelafi ti mapu inei rume tañi cullieteu. 40 Ti afaelchi antü mu, ti lonco ülmen ngünenielu sur mapu mu caiñetuafi tati lonco ülmen ngünenielu norte mapu meu, huelu tüfachi lonco ülmen ca caiñetuayu. Feimu ti lonco ülmen norte mapu mu adcünuai fentren carreta, hueichafe cahuellutulelu ca fentren farcu, ca conai ti troquiñque mapu meu, fei quiñe fütra mangin co reque apümcayafi. 41 Quisu ca conai ti Adelcalechi Mapu ca huehuafi ta fentren troquiñ mapu. Huelu quiñeque mapu lefmahuai tañi ngünenienoaeteu: Edom pingechi mapu ca Moab pingechi mapu ca ti falin-ngechi troquiñ coneltulelu pu ammonita mu. 42 Ca amuleai ñi caiñetuafiel tati troquiñque mapu, feimu ti Egipto mapu montulayai. 43 Tüfachi lonco ülmen ngünenieai itrofill ellcalechi fillem milla ca plata deumangelu, ca com tati falinque fillem ñi mülen Egipto mapu mu. Tati che mülelu Libia mapu mu ca tati pu che Etiopía mapu mu, femai com ñi feipieteu tati lonco ülmen ngünenielu norte mapu mu. 44 Huelu tüfachi lonco ülmen rume raquiduamcüleai allcüle quiñeque dungu cüpalu tripahue antü püle ca norte mapu püle, fei illculen tripayai ñi apümcayafiel fentren che. 45 Quisu elcünuai fentren tolto ruca rangiñ mu ti fütra lafquen ca ti yamfalngechi fütra huincul mu. Huelu tüfachi lonco ülmen apümcangeai ca quellungelayai rume.