Daniel

12 Tati fütra principe quellumequefilu tami troquiñche, Miguel pingei, huitrapürayai feichi antü mu. Ca müleai fütra cutrancahun turpu ñi mülequenoel. Feichi elcünungelu müten tati hunen troquiñche, mülequelafui femngechi cutrancahun. Feichi antü mu, montuai tami troquiñche mu com feichi huiriconcülelu ñi üi tati lifru mu. 2 Ca fentren pu umaucülelu trufür mapu mu nepeaingün, quiñeque ñi rumel mongeleal, ca caquelu ñi culpantucungeal ca ñi rumel illamcangeal. 3 Tati pu quim ngüneduamlu huilüfaingün chumngechi huilüfquei ti huangülenmalechi huenu ca tati pu cüpalalu fentren che ñi inayal ti norngechi dungu huangülen reque, rumel meu. 4 Eimi cai, Daniel, ellcacünufinge ti dungu, ca racümcünufinge ti lifru, acule hula ñi afael ta antü. Fentren che cüme ngüneduamai, ca tati rüf quimün alün-ngerpuai”. 7 Fei allcün tati huentru lino tucutuucülelu, huentelelu huitrulechi co meu, petu püramfilu tañi man cuhu ca tañi huele cuhu huenu mu ca petu feipicünui tati rumel mongelequelu meu: “Quiñe medin antü, medin antü, ca rangiñ antü femngeai tüfa. Feichi mu fentepuulu ñi atemcangeal ti lifngechi troquiñche ñi nehuen, com tati dungu afai”. 8 Iñche cai, allcün, huelu pepi adümlafiñ; feimu feipin: “Ahuem ñi ñidol, ¿chumngechi tripayai com tüfachi dungu?”. 9 Fei quisu feipi: “Amunge Daniel, tüfachi dungu am ellcacünungealu ca racümcünungeai acule hula ñi afael ta antü. 10 Fentren che liftuhuai, ca ligcünuhuai, ca cüme elcünungetuai. Ca tati huesaque che huesaque dungu femaingün, ca quiñe huesa che no rume adümlayafi, huelu tati pu quim ngüneduamlu müten adümafingün. 12 ¡Ayühun-ngeai tati llihuatulelu ca feichi puulu 1.335 antü! 13 Huelu eimi cai, amulenge puule hula ti antü. Eimi ürcütuaimi, huelu cüpalechi antü mu huitratuaimi ñi llohual chem tami ngen-ngeel”.