Daniel

16 Sadrac, Mesac ca Abednego feipifingün tati rey: “Ahuem, Nabucodonosor, duamfal-lai taiñ huiñoldunguafiel tüfachi dungu. 17 [...]. Ahuem rey, taiñ poyequeelchi Ngünechen montulafeiñmeu tati leuleucülechi horno meu, ca tami cuhu meu. 18 Huelu montulnoeliyiñmu rume, ahuem rey, quimaimi taiñ poyequenofiel tami pu dios, ca pochongnaglayaiñ tami milla adentun mu eimi tami tucucünufiel”. 27 Fei pu autoridadcülelu, pu alcalde ca com pu ngünenielu ca pu ülmen huentru cüdahuelquefilu ti lonco ülmen ngüneduamingün ti cütral ñi chumnofiel rume ti pu hueche, tañi lonco ca tañi hueshaquelu cuninlai rume, ca nümüfitrun-ngelaingün rume. 28 Fei Nabucodonosor feipi: “Fampüramngepe Sadrac, Mesac ca Abednego ñi Dios. Quisu huercüfi tañi cüme püllü tañi montulafiel tañi serfiqueteu. Quisu engün maneluhuingün Ngünechen mu, feyentulafingün tañi huercüeteu tati rey, eluucülefui tañi layal engün tañi poyenoafiel ta caquelu dios. Tañi Dios müten poyequefingün.