Daniel

7 […] Daniel peumai ca pengelngei fillque afmatufalchi dungu petu mülelu ñi cahuitu meu. Feichi antü mu huirintucui ti peuma. Ca cüme huirintucucünui com feichi dungu 13 Amulei tañi adquintuniefiel peuma pun mu, ¡tüfei!, huenu tromü mu cüpai quiñe huentru ñi fotüm reque; ca puhui tati Rume Fücha Che mu, ca pülle cüpalelngei Quisu ñi adquiñ mu. 14 Quisu elungei ñi ngünenieal, püramyengeal ca lonco ülmen-ngeal, femngechi ñi serfiaeteu com pu che, chem tuhun-ngele rume ca chem quehun dungule rume. Tañi ngünenien turpu aflayai ca tañi lonco ülmen-ngen apümcangelayai. 15 Iñche, Daniel, ti afmatufalchi dungu tañi peel llicalcaeneu, feimu rume raquiduamelniefeneu. 16 Fülcontufiñ quiñe tati huitralelu, fei ramtufiñ chem pilefui com tüfachi dungu tañi peel. Quisu huiñoldungueneu chem pifel iñche tañi peel. Feipieneu: 17 ‘Feitachi meli fütraque huapoque culliñ feita meli lonco ülmen ürque tripayalu Mapu mu. 18 Huelu ti troquiñche lif mongen-ngelu ti Doi Alüpüralelu ñi adquiñ meu elungeaingün tañi ngünenieal, rumel ngünenieaingün, mai, rumel femaingün llemai’. 26 Huelu pu concülelu Tribunal meu anücünuhuingün, fei tüfachi rey müntuñmafingün ñi loncolehuenoal, femngechi tañi apümcayafiel ca teifücayafiel. 27 Huelu com ñi ngünenien, ñi loncolen ca ñi püramyen ñi niequefel pu gobierno miñche huenu mu elungei tiyechi troquiñche lif mongen-ngelu ti Doi Alüpüralelu ñi adquiñ meu. Feimu tañi gobierno rumel mülerpuai, com troquiñque Mapu mu serfinieaeyu ca allcütunieaeyu’.