Zacarías
4 Ti cüme püllü iñche tañi dungumequeteu huiñometulu, fei nepeleneu chumngechi ñi nepelngequen quiñe umautulelu. 2 Feimu ramtueneu: “¿Chem peimi?”. Feipifiñ: “Tañi peel, quiñe candelabro com orongelu. Huente mu niei quiñe rali. Niei regle lampara, mai, regle lampara. Quisuque lampara huente mu mülelu nüucülei regle tubo mu. 3 Ti candelabro fülmanieyu epu olivo. Quiñe man püle ti rali meu mülei, cangelu huele püle”. 6 Fei feipieneu: “Tüfa ñi feipifiel Jehová ta Zorobabel: ‘“Tüfachi dungu rupalayai pu soltau cam pu che ñi nehuen meu, iñche tañi nehuen meu llemai” pi Jehová ñidolcülelu pu hueichafe mu. 7 ¿Inei am ta eimi, fütra huincul? Zorobabel ñi adquiñ mu lürcünungeaimi. Fei cüpalafi ti huechuñ cura, pu che huirarmequealu: “¡Afmatufali! ¡Afmatufali!”’”. 8 Ca lloutufiñ Jehová ñi dungu. Feipieneu: 9 “Zorobabel ñi cuhu tucuingün cheu ñi anümngeal ti ruca, cafei quisu tañi cuhu deumayafi ti ruca. Fei eimün mülei tamün quimal ta Jehová, ñidolcülelu pu hueichafe mu, tañi huercüeteu iñche eimün meu. 10 ¿Inei am illamcafi hue amulcünungelu ti pichiquen dungu? Cacünutupe tañi raquiduam. Fei engün rume ayühuaingün, fei peaingün tati plomada mülelu Zorobabel ñi cuhu mu. Tüfa regle Jehová tañi nge, ñi adquintuquefiel com mapu mu”. 12 Ca epu rupa ramtufiñ: “¿Chem adentulei ti epu olivo ñi rou ñi hutrulquefiel ti orongechi aceite feitachi epu orongechi tubo mu?”. 14 Fei feipi: “Tüfa tati epu dullingelu, fei engu huitraleingu inafül ti Ñidolcülelu com huallon mapu meu”.