2. Quiñentrür cüdahuaimu

¿CHEM AM CHI?

Quiñe piloto ca quiñe copiloto mür cüdahuingu ñi cüme puhual chi avion. Ca femngechi pu curehuen mülei ñi quiñentrür cüdahual ñi cüme amuleal tañi curehuen-ngen. Huichu raquiduamquelaingu, doi mai epuñpüle duamniehuingu.

BIBLIA ÑI NGÜLAM: “Epu che felehuetulai, quiñe chengetuingu müten” (Mateo 19:6).

Christopher feipi: “Ti curehuen mür quelluhuaingu ñi cüme yeucüleal”.

¿CHUMNGELU FENTE FALIN-NGEI?

Pu curehuen trür cüdaucülenole, hueluconque yafcauqueingu rupan mu ta huesaque dungu. Turpu cüme elcünutulai ñi dungu engu. Pichingefule ñi dungu rume, doi amulcünufingün.

Alexandra feipi: “Rüf falin-ngei ñi quiñentrür cüdahual chi pu curehuen. Trür cüdaunoliyu tañi füta iñchiu, müleafuyu ruca mu caque che reque. Trürlayafui tayu chumal”.

¿CHEM CHUMAFUIMI?

NGÜNEDUAMUUNGE

• Eimi tami huehuelchi plata, iñchengei müten ¿piquepeimi mai?

• Quisulen mu eimi, ¿feulaque ta tüngcülen piqueimi?

• ¿Famentuquefimi tami afcadi ñi familia?

QUIÑENTRÜR RAMTUHUAIMU

• ¿Chem cüdau mu am quiñentrür cüme cüdauqueyu?

• ¿Chem dungu mu am doi cüme femafuyu?

• ¿Chumafuyu tayu doi cüme trür cüdahual?

QUIÑEQUE NGÜLAM

• Raquiduamnge, epu sociohuen epuñpüle quelluuqueingu ñi cüme tripayal ti cüdau, notucauquelaingu. Ca femngechi pu curehuen mülei ñi raquiduamal chumngechi quiñentrür cüdahual ñi cüme amuleal engu.

• Raquiduamlayaimi eimi müten tami cümelcahual. Raquiduamaimi mai chumngechi tamu mür cümelcaleal.

Ethan feipi: “Duamfal-lai inei tañi cüme feipin, doi mai ñi cüme yeucüleal ca quiñeucüleal tati curehuen”.

BIBLIA ÑI NGÜLAM: “Re quisu duamuulayaimün müten, ca duamnieafimün caquelu che ñi cüme feleal engün” (Filipenses 2:3, 4).