5-11 AGOSTO

SALMO 70-72

Ülcantun 59 ca ngillatun | Nütram amulcünual chi trahun (1 min.)

BIBLIA ÑI FALIN DUNGU

1. Nütramcafinge pu hueche Chau Dios ñi nehuen-ngen

(10 min.)

David ngüneduami Jehová tañi quellueteu huechengelu (Sl 71:5; w22.01 pag. 6 parr. 15).

David ngüneduami Jehová tañi quellueteu füchalelu (Sl 71:9; g04-S 8/10 pag. 23 parr. 3).

David nütramcafi pu hueche chem ñi rupan, femngechi ñi yafültucuafiel (Sl 71:17, 18; w14-S 15/1 pag. 23 parr. 4, 5).

Ti familia tripalu rupachi semana mu ti troquiñ “¿Chumngechi quiñentrür estudiayafuimün tamün familia?”. Ti familia mangelfi quiñe füchalechi curehuen ñi quiñentrür estudiayal, fei engün ayühunquechi allcütuingün ti curehuen ca peingün quiñeque foto.

RAMTUUNGE: “Trahunche mu, ¿mülepei mai quiñeque peñi, lamngen fentren tripantu yenielu ñi serfiquefiel Jehová? ¿Mangelafun estudialiyiñ Biblia tañi familia iñchiñ? ¿Ramtuafuiñ quiñeque dungu?”.

2. Cüme quintuafiyiñ falinque dungu Biblia meu

(10 min.)

Sl 72:8. Jehová ñi feipicünufiel ta Abrahán Génesis 15:18, ¿chumngechi com femtripai feichi ngünenielu Salomón? (it-1-S pag. 883 parr. 5).

Huiñoldungun
Tami papeltufiel Biblia tüfachi semana, ¿chem quimeltun ayüafuimi tami feipial?

Huiñoldungun

3. Papeltun Biblia

(4 min.) Sl 71:1-24 (th quimeltun 5).

CÜME QUIMELTUCHEFENGEAIÑ

4. Eluunge tami nütramcacheal

(3 min.) FILL RUCA MU. Quiñe che chaftudunguelmu, piuqueyen mu fentecünuafimi ti nütram (lmd quimeltun 4 troquiñ 5).

5. Huiño pemetufinge ti che

(4 min.) CHEU RUME MÜLELMI. Ca huiño nütramcafinge quiñe tami pu che müte pilenolu ñi estudiayal Biblia (lmd quimeltun 8 troquiñ 4).

6. Quimfalcünunge tami feyentuqueel

(5 min.) Hueupin. ijwfq 35. Dungu: Pu Dunguquelu Ineingen Jehová, ¿huelucünutuquefingün Biblia ñi trürngeal tañi feyentun mu? (th quimeltun 17).

TAIÑ CRISTIANO MONGEN

Ülcantun 76

7. Pu familia trahuluule ñi poyeafiel Jehová, ¿chem ngüneduamafuingün?

(15 min.) Ngüneduamngeal pu che engün.

Ti familia tripalu cangelu foto mu adümcantuingün quiñe ül.

Ti familia tripalu cangelu foto mu pefingün JW Broadcasting.

Ti familia petu chillcatulu Biblia, ti ñahue ca ñuque adümcantuingu tañi chem pial colegio mu.

Pu familia quiñentrür estudiafile ta Biblia, quelluafeyu pu pichiqueche ñi falintuafiel Jehová ñi cümeque ngülam (Ef 6:4). Cüdaungei taiñ estudiayal Biblia, huelu ayüfalngepe ti quimeltun, doi mai pu pichiqueche eluule ñi doi quimafiel Biblia (Jn 6:27; 1Pe 2:2). Pu chau inayafuingün ti ngülam mülelu ti huichulechi dungu meu, femngechi doi ayüfalngeai ti quimeltun ca doi quimürpuaingün. Ngüneduamnge ti huichulechi dungu ca ramtunge:

¿Chem ngülam ayüafuimi tami inayafiel?

Huiñoldungun
¿Ca chem dungu femimi tami quelluaeteu?

Huiñoldungun

PU FAMILIA TRAHULUULE ÑI POYEAFIEL JEHOVÁ, ¿CHEM NGÜNEDUAMAFUINGÜN?

BIBLIA:

Allcütuafimün ti papeltun Biblia ñi inaduamngeal trahun mu, cam com eimün coneltulepe ti papeltun mu. Caque quiñeque eimün papeltuaimün ñi chem pin quiñe che.
Pepicange quiñeque ramtun nüucülelu ti papeltun Biblia ñi inaduamngeal trahun mu. Caque quiñeque ti familia dulliafui quiñe ramtun ñi doi cüme inaduamafiel. Fei nütramcahuaimün chem tamün inaduamel.
Pepicange quiñe ramtun cam feipiaimi quiñe dungu tañi rupayal, fei quiñentrür inaduamafingün quiñeque ngülam ti folleto Biblia ñi ngülam adniequeiñmeu.
Adentucünufimün chumngechi ñi rupan quiñe nütram Biblia mu.
Quiñe tarjeta mu huirintucünumün quiñe texto, furi püle huirintucumün chem pilei ti texto. Caque semana ca texto huirintucumün, huelu loncontucuniefimün com deu papeltuelchi texto (entuafuimün quiñe texto ti folleto Piuqueyenquechi quimeltucheaiñ Cangelu quimeltun A).
Quiñentrür estudiayafuimün quiñe troquiñ ti lifru ¡Rumel ayüucüleaimi! pingelu.
Feipifinge quiñe tami familia ñi hueupial quiñe dungu tripalelu tati troquiñ “Fillque ramtun Biblia mu” mülelu jw.org mu BIBLIA ÑI QUIMELTUQUEEL.

TRAHUN:

Pepicafimün quiñe troquiñ trahun mu.
Pepicafimün huiñoldungun ca adümcantufimün. Inaduamaimün tunteñman tamün comentario.
Adümcantuafimün ti ülcantun.
Raquiduamaimün chumngechi yafültucuafiel quiñe peñi cam lamngen trahunche mu, ca adümcantuaimün chem tamün pial.
Quiñe ti familia niele asignacion trahun mu, pengelcünulelafui tañi familia.

AMULDUNGUN:

Pepicahuafuimün ñi amuldungual fill ruca püle.
Pepicahuafuimün tamün huiño pemetuafiel ti che.
Raquiduamaimün chumngechi amuldungual cheu rume miyahulmün ca chumngechi cüme amulal ti nütram.
Acule ti antü ñi mangelcheal ñi acordangeal Jesús tañi lan cam nielmün vacacion, nütramcahuaimün chumngechi tamün doi amuldungual.

TI FAMILIA TAÑI DUAMNIEEL:

Adümcantuaimün chem tamün femal rupale quiñeque dungu nüucülelu politico dungu, novio ñi dungu, ayentuchequen mu ca quiñeque fiesta.
Tami yall niele quiñe ramtun, feipiafuimi tañi doi inaduamal ti dungu. Fei hula, tami yall chaucünuhuai, femngechi deu inaduamle ti dungu, quimeltulelaimu chem tañi quimürpuel.

CAQUELU NGÜLAM:

Peaimün ti JW Broadcasting^® ca nütramcahuaimün chem tamün quimürpuel.
Inaduamafuimün quiñe articulo cam quiñe video tripalu jw.org mu.
Inaduamafuimün quiñe troquiñ mülelu “Huechequeche” cam “Pichiqueche” tripalu ti troquiñ BIBLIA ÑI QUIMELTUQUEEL jw.org mu.
Huiño inaduamafuimün tamün huirintucucünuel fütra trahun mu.
Inaduamafuimün Jehová ñi deumael, fei nütramcahuaimün chem tamün quimeltueteu Jehová mu.
Quiñeque mu, invitayafuimün quiñe peñi, lamngen tamün ruca mu, fei ramtuafuimün quiñeque dungu ñi mongen mu, femngechi doi cüme quimafimün.
Raquiduamafuimün chumngechi doi cüdahuelafiel Jehová.
Quiñentrür deumayafuimün Noe ñi fütra huampo ruca cam inaduamafuimün quiñe mapa mülelu Biblia mu cam taiñ publicacion mu.

Pengelnge ti VIDEO Pu familia, tamün poyefiel Jehová doi cüme tripayafui. Fei hula ramtunge:

Ruca mu mülenole pichiqueche, ¿chumafui ti huentru femngechi ñi ayüfalngeal ti estudio tañi domo engu?

Huiñoldungun

8. Chillcatun Biblia Trahunche mu

(30 min.) bt cap. 13 parr. 17-24.