Pu Dunguquelu Ineingen Jehová, ¿chumqueingün pu coneltulequefulu tañi religion mu?
Com taiñ nehuen entuqueiñ taiñ piuqueyeafiel, poyeafiel ca taiñ yamnieafiel com pu che. Quiñe Dunguquelu Ineingen Jehová feula müte poyehuequenofilu Chau Dios chumngechi ñi femquefel cuifi cam elcünui tañi poyefiel Chau Jehová, iñchiñ eluuqueiñ taiñ nütramcayafiel feichi pu che, feipiquefiyiñ taiñ piuqueyeniefiel ca quelluquefiyiñ ñi huiño fülmanietuafiel ta Chau Jehová (Lucas 15:4-6).
Quiñeque mu, quiñe che tañi femün mu entungeafui trahunche mu (1 Corintios 5:13). Huelu fente taiñ piuqueyeniefiel taiñ pu peñi, eluuqueiñ taiñ quelluafiel tañi entungenoal trahunche mu. Entungefulu rume, pengelmequefiyiñ ñi piuqueyefiel ca yamniefiyiñ chumngechi ñi feipilen ti Biblia (Marcos 12:31; 1 Pedro 2:17).
¿Chem dungu am ñi femün mu quiñe che entungequei trahunche mu?
Biblia rüfngei ñi feipin quiñe che rume huesa culpalu ca elcünunole tañi femquen, mülei ñi entungeal ti trahunche mua (1 Corintios 5:11-13). Biblia cüme pengelquei chem culpan femngechi entungeafui trahunche mu quiñe che. Quiñeque dungu tüfa: tati ñihualuhun, ngollicahun, langümchen, ahucaquefiel tati familia, ca hueñen mu (1 Corintios 6:9, 10; Gálatas 5:19-21; 1 Timoteo 1:9, 10).
Huelu iñchiñ entufemquelafiyiñ trahunche mu quiñe che huesa culpalu. Pu loncolelub trahunche mu hune quelluqueyu ñi cüme elcünutual tañi femquen (Romanos 2:4). Pu loncolelu ñom piuque mu, cüme piuque mu ca poyenquechi mu eluuqueingün ñi puhual ta che ñi piuque (Gálatas 6:1). Femngechi ñi quellungen mu, tati huesa culpalu ngüneduamafui tañi huesa huelulcan mu fei ñi repentiuhual (2 Timoteo 2:24-26). Huelu tati huesa culpalu amulele ñi huesa femmequen, chumngechi ñi feipin Biblia tañi femnoal, ca repentiunole, mülei ñi entungeal trahunche mu. Pu loncolelu hulaingün quiñe quimelün dungu tati trahunche feiti che Dunguquelu Ineingen Jehová ngehuenolu.
Pu loncolelu eluuqueingün ñi puhual tañi piuque ñom piuque mu, cüme piuque mu, poyenquechi mu
Entulngen mu quiñe che amulelu ñi huesa culpalen, ¿chem cümeque dungu tripaquei? Tati trahunche quelluntucuquei chumngechi Jehová ayüquei taiñ lif mongen nieal. Cafei ti trahunche cuñiutucuuquei ñi huesa femmequen mu feichi che (1 Corintios 5:6; 15:33; 1 Pedro 1:16). Ca femngechi, feichi che entungelu trahunche mu fentecünuafui tañi huesa femmequen ca norümtuafui tañi raquiduam (Hebreos 12:11).
Pu Dunguquelu Ineingen Jehová, ¿chumquefingün tati pu entungelu trahunche mu?
Biblia feipilei pu cristiano “hueniyehuelayafimün” tati entungelu trahunche mu, “quiñentrür ilayaimün rume feichi che engu” pi (1 Corintios 5:11). Iñchiñ hueniyehuelayafiyiñ inei rume ñi entungen trahunche mu. Huelu ngoimanentunielafiyiñ engün. Yamniefiyiñ engün. Fei engün ayüle ñi amual trahun mu, cüme lloungeai. Chaliafeyu cütu quiñeque Dunguquelu Ineingen Jehová.c Ayüle ñi huiñotual engün trahunche mu, feipiafuingün tati pu loncolelu ñi quelluaeteu.
Tati pu entungelu trahunche mu ayüle ñi amual trahun mu, cüme lloungeai
Quiñe entungelu trahunche mu niei afcadi ca pichique yall, fei engün petu dunguquelu ngeingün ¿chem rupaquei? Tati entungelu poyehuelafi rume ta Chau Dios tañi pu che engün, huelu petu coneltulei tañi familia mu. Tañi ruca mu ñi mülen engün, amulei tañi afcadihuen-ngen engu ca tañi pu yall engün. Fei amuleafui tañi hueluquentu piuqueyehual.
Quiñe che entungelu trahunche mu feipiafui tati pu loncolelu tañi pemeaeteu tañi ruca mu. Fillque rupa ñi pengen mu ruca mu, pu loncolelu piuqueyen mu eluaeyu ngülam ca yafüluhun Biblia mu femngechi tañi repentiuhual ca huiñotual Chau Dios mu (Zacarías 1:3). Fentecünule ñi femquen huesaque dungu ca tañi femün mu pengele ñi cüpa inayafiel Biblia tañi feipin, femngechi müten coneltuletuafui trahunche mu. Tati trahunche ‘com piuque mu mülei tañi perdonayafiel ca yafültucuafiel’, chumngechi femingün pu Corinto trahunche quiñe culpafe ñi femhuenon mu culpan dungu (2 Corintios 2:6-8).
¿Chum duamcületui feula tati entungefulu nga trahunche mu?
Ngüneduamnge ñi feipin quiñeque Dunguquelu Ineingen Jehová entungefulu trahunche mu huelu eluulu ñi huiñotual Chau Dios mu.
“Eluulu ñi huiñotual trahunche mu iñche, raquiduamquefun pu loncolelu ayüqueingün ñi quimal com tañi femün iñche püntülefulu trahunche mu. Huelu feipieneu engün: ‘Feula loncontucunge chem tami femal’. Femngechi ñi feipin mu engün, rume cüme duamtun” (María, Estados Unidos).
“Ti trahunche rume ayühui tañi huiñotun. Rume falingelu troquihun. Tati pu peñi ca lamngen trahunche mu quellueneu ñi perdonaeteu Jehová ca ti trahunche. Tüfa quellueneu tañi huesa duamcülehuenoal tañi femquefel cuifi. Pu loncolelu quelluniequeneu tañi huiño hueniyetuafiel ta Chau Dios. Yafültucuqueneu engün ca quelluqueneu ñi peal chumngechi Jehová rume falintunieneu ca piuqueyenieneu” (Malcom, Sierra Leona).
“Ayüucülen Chau Jehová tañi piuqueyeniefiel tañi pu che ca ñi yenieal lif mongen. Pu che raquiduamquei “quiñe che entungelu trahunche mu rume huesa dungu” troquiquefingün, huelu felelai. Duamfali femngechi mülei ñi femngeal, ca pengelngeal piuqueyehun. Mañumniefiñ taiñ Huenu Chau piuqueyechefengei ca perdonachequei” (Sandi, Estados Unidos).
a Cuifi mu, quiñe che culpalu repentiunolu “huemunentungelu” piquefuiñ. Huelu feula feipiqueiñ entungelu trahunche mu, chumngechi huirintuculelu Biblia mu.
b Pu loncolelu fei pepicaucülechi huentru, quimeltuqueingün Biblia ñi feipin ca femngechi camañquefingün Chau Jehová ñi pu che quellumequefingün ca yafültucumequefingün. Cullingequelai engün tañi cüdau mu (1 Pedro 5:1-3).
c Quiñeque mu, quiñe che püntütripayafuichi ti trahun mu huelu ca femngechi quintuafui chumngechi ñi huesa femafiel ca nganhuadelafiel ti trahunche. Cam feitichi che dicümtucuafui quiñeque che ñi ca huesa femal. Rupafule tüfachi dungu, mülei ñi inayafiel chem Biblia ñi feipin: “chalilayafimün rume” ti che (2 Juan 9-11).