¿Chem am ti fütra cutrancahun?

Biblia ñi quimeltuqueel

Fütra cutrancahun mu rume cüdaungechi dungu müleai, turpu tañi mülequenofel. Chumngechi feipilei Biblia tüfa rupayai “epe puucülele ñi afal mapu müleyechi dungu”, cam “acule hula ñi afael ta antü” (2 Timoteo 3:1; Daniel 12:4). Ca Marcos 13:19 feipi: “Feichi mu müleai cutrancahun. Chau Ngünechen hue deumafilu pu che ca fanten mu, turpu mülequelafui femngechi cutrancahun ca huiño mülehuetulayai” (Daniel 12:1; Mateo 24:21, 22).

¿Chem rupayai fütra cutrancahun antü mu?

• Ti coilaque religion apümcangeai. Matu apümcangeai ti coilaque religion (Apocalipsis 17:1, 5; 18:9, 10, 21). Jehová ñi duam mu, pu gobierno adnieafi tati troquiñche Naciones Unidas pingelu ñi apümcayafiel pu coilaque religion (Apocalipsis 17:3, 15-18).a

• Inantucungeai ti rüfngechi religion. Ezequiel ñi lifru mu feipingei ñi müleal troquiñque gobierno quiñeucülealu, “Gog tuulu Magog mu” ca pingelu. Tüfa eluhuai ñi apümcayafiel com pu rüfngechi cristiano. Huelu Jehová incañpeafi tañi pu che fei ñi montulafiel (Ezequiel 38:1, 2, 9-12, 18-23).

• Pu che mülelu mapu mu juzgangeai. Jesús juzgayafi ca “püntünentuafi pu che, chumngechi ti camañ püntünentuquei pu ufisa ti pu capüra meu” (Mateo 25:31-33). Ñi juzgacheal ngüneduamai inei quelluntucufi tañi “pu peñi” ngüneniealu huenu mu (Mateo 25:34-46).

• Trahulngeai pu ngüneniealu Jesús engün. Com ti pu dullin püntütripanolu Dios mu mülehuelayaingün mapu mu, fei huiñomongelngetuai tañi müleal huenu mu (Mateo 24:31; 1 Corintios 15:50-53; 1 Tesalonicenses 4:15-17).

• Acuai ti Armagedón hueichan. Biblia feipi “Feichi hueichan rupayai Chau Ngünechen ñi fütra antü meu” ca feipingei “Chau Jehová ñi antü” (Apocalipsis 16:14, 16; Isaías 13:9; 2 Pedro 3:12). Feichi hueichan mu, Jesús apümafi com tañi pu caiñe (Sofonías 1:18; 2 Tesalonicenses 1:6-10). Cafei apümcangeai com pu müleyechi gobierno, Biblia mu com tüfachi gobierno adentulei quiñe huapo huesa culliñ regle lonco nielu (Apocalipsis 19:19-21).

¿Chem rupayai afle chi fütra cutrancahun?

• Huecüfü ca tati pu huesaque püllü cerrantucungeai. Quiñe cüme püllü, fütra nehuen nielu, ütrüftucuafi Satanás ca tati pu huesaque püllü alüconchi lolo mu (Apocalipsis 20:1-3).Fei mu la reque feleai, pepi tripahuelayai ñi ngünencacheal (Apocalipsis 20:7).

• Jesús ngünenieafi ti mapu. Quisu ngünenieai mil tripantu ca tañi gobierno mu re cümeque dungu müleai (Apocalipsis 5:9, 10; 20:4, 6). Mapu mu “quiñe fütra troquiñche” mongetripayai “fütra cutrancahun” mu ca peafi chumngechi conal Jesús ñi gobierno (Apocalipsis 7:9, 14; Salmos 37:9-11).