এই জগতখনৰ ধ্বংসত আপুনি কেনেকৈ ৰক্ষা পাব পাৰে?

এই বৰ্তমান জগতৰ অন্তৰ বিষয়ে বাইলেত এইদৰে বৰ্ণনা কৰিছে যে সেই দিন, “আন্ধাৰ আৰু ঘোৰ অন্ধকাৰৰ দিন, ডাৱৰীয়া আৰু ঘন মেঘৰ দিন, শিঙা-ধ্বনি আৰু সিংহনাদৰ দিন” হʼব। (চফনিয়া ১:১৫) বাস্তৱতে, এইটো তেনে এটা দিন নহʼব, যাৰ বাবে আপুনি সাধাৰণতে অপেক্ষা কৰে! পাঁচনি পিতৰে তেওঁ সঙ্গী খ্ৰীষ্টানসকলক এই বুলি কৈ সতৰ্ক কৰিছে, “সেই দিনৰ কাৰণে আকাশ-মণ্ডল পুৰি লয়প্ৰাপ্ত হব, আৰু মূলবস্তুবোৰ দগ্ধ হৈ গলি যাব। কিন্তু তেওঁৰ প্ৰতিজ্ঞাৰ দৰে, আমি নতুন আকাশ-মণ্ডল আৰু নতুন পৃথিবীলৈ অপেক্ষা কৰি আছোঁ; সেইবোৰত ধাৰ্ম্মিকতা নিবাস কৰে।”—২ পিতৰ ৩:১২, ১৩.

ইয়াত পিতৰে বাস্তৱিক আকাশ-মণ্ডল আৰু পৃথিৱীৰ ধ্বংসৰ বিষয়ে উল্লেখ কৰা নাছিল। পিতৰে কোৱা “আকাশ-মণ্ডল” আৰু “পৃথিবী” ভ্ৰষ্টাচাৰী মানৱ চৰকাৰ আৰু অঈশ্বৰীয় মানৱ সমাজখনক চিহ্নিত কৰে। ‘যিহোৱাৰ দিনত’ এই পৃথিৱীখন নহয় কিন্তু, “পাপীবোৰক বিনষ্ট” কৰিব। (যিচয়া ১৩:৯) যিসকলে ‘ঘিণলগীয়া কাৰ্য্যৰ নিমিত্তে হুমুনিয়াহ পেলাইছে আৰু চিঞৰি কান্দিছে’ যিহোৱাৰ দিনত তেওঁলোকক উদ্ধাৰ কৰা হʼব।—যিহিষ্কেল ৯:৪.

তেতিয়াহʼলে ‘যিহোৱাৰ সেই মহৎ আৰু ভয়ানক দিনত’ কেনেকৈ লোকবিলাকে উদ্ধাৰ পাব? এই বিষয়ে ‘যিহোৱাৰ বাক্যই’ তেওঁৰ ভৱিষ্যতবক্তাক এই প্ৰশ্নৰ উত্তৰ দি এইদৰে কৈছিল: “যেয়ে যিহোৱাৰ নাম লব, তেওঁ উদ্ধাৰ পাব।” (যোৱেল ১:১; ২:৩১, ৩২) যিহোৱাৰ নাম লোৱাৰ অৰ্থ কি, এই বিষয়ে বুজিবলৈ যিহোৱাৰ সাক্ষীসকলে আপোনাক সহায় কৰিবলৈ পায় আনন্দিত হʼব। (w02 3/1)