আধ্যাত্মিকৰূপে কেনেকৈ এক শক্তিশালী পৰিয়াল গঢ়ি তুলিব পৰা যায়?
১ ‘নিজ ঘৰখনৰ সদস্যসকলে ঈশ্বৰীয় ভক্তিৰ অনুসাৰে চলাৰ বাবে’ বিশেষকৈ খ্ৰীষ্টান পৰিয়ালসমূহ শলাগ লবলগীয়া। (১ তীম. ৫:৪) দৰাচলতে, চাৰিওফালে থকা বেয়া প্ৰভাৱৰ মাজত জীয়াই থাকিবলগা হোৱাৰ হেতুকে আমাৰ বিশ্বাস হ্ৰাস হʼব পাৰে। গতিকে পৰিয়ালসমূহে আধ্যাত্মিকৰূপে শক্তিশালী হৈ থাকিবলৈ কঠোৰ পৰিশ্ৰম কৰা আৱশ্যক। ইয়াক তেওঁলোকে কেনেকৈ কৰিব পাৰে?
২ ঘৰখনৰ মুখীয়ালসকলে খ্ৰীষ্টক অনুকৰণ কৰক: ঘৰখনৰ মুখীয়ালসকলে যীচু খ্ৰীষ্টৰ আৰ্হিৰ সম্বন্ধে থকা দায়িত্বক বহন কৰাৰ দ্বাৰা তেওঁলোকে পৰিয়ালসমূহক শক্তিশালী কৰি তুলা আৱশ্যক। যীচুৱে বলিদানৰ বাবে নিজৰ প্ৰাণ আহুতি দি প্ৰেম প্ৰকাশ কৰাৰ ওপৰিও একেৰাহে মণ্ডলীসমূহক ‘পোহন-পালন কৰিছে।’ (ইফি. ৫:২৫-২৯) মৰমীয়াল পিতৃ-মাতৃসকলে এই আৰ্হিক অনুকৰণ কৰি পৰিয়ালত আৱশ্যক হোৱা দৈনন্দিন আধ্যাত্মিক প্ৰয়োজনতাৰ প্ৰতি আলফুলকৈ যত্ন লয়। ইয়াত জড়িত আছে পৰিয়ালস্বৰূপে বাইবেল অধ্যয়ন, সম্ভৱ ভালদৰে প্ৰস্তুত কৰা গম্ভীৰ আধ্যাত্মিক বিষয়সমূহৰ আলোচনা আৰু উদয় হোৱা সমস্যাসমূহৰ বিষয়ে বিবেচনা কৰা।—দ্বিতী. ৬:৬, ৭.
৩ প্ৰচাৰ ক্ষেত্ৰত: উপাসনাৰ মুখ্য অংশ হিচাবে আনক যিহোৱা আৰু তেওঁৰ উদ্দেশ্যৰ বিষয়ে সাক্ষী দিয়াৰ বাবে সকলো পৰিয়ালক প্ৰশংসা কৰা উচিত। (যিচ. ৪৩:১০-১২) যদি পিতৃ-মাতৃয়ে নিজৰ লʼৰা-ছোৱালীক যিহোৱাৰ বিশ্বাসী সাক্ষী হোৱাটো বিচাৰে, তেনেহʼলে অতি কম বয়সতে তেওঁলোকৰ হৃদয় পৰিচৰ্য্যাৰ বাবে তৈয়াৰ কৰা উচিত। প্ৰত্যেক সপ্তাহে সেৱা কাৰ্য্যত ভাগ লʼবলৈ কিয় আত্মত্যাগ কৰা আৱশ্যক এই বিষয়ে যুক্তি দৰ্শাই আলোচনা কৰক। (মথি ২২:৩৭-৩৯) তাৰ পিছত তেওঁলোকে নিয়মিতৰূপে প্ৰচাৰ কাৰ্য্যত ভাগ লʼবলৈ ব্যৱস্থা কৰক।
৪ সপ্তাহিক পৰিয়াল অধ্যয়নৰ পৰা কিছু সময় আছুতীয়াকৈ ৰাখি প্ৰচাৰ কাৰ্য্যৰ প্ৰতি মূল্যাঙ্কণ দেখুৱাবলৈ এটা ব্যৱহাৰিক উপস্থাপন প্ৰস্তুত আৰু অভ্যাস কৰক। আপোনাৰ লʼৰা-ছোৱালীক ব্যক্তিগতৰূপে পৰিচৰ্য্যা কাৰ্য্যৰ বাবে প্ৰশিক্ষণ, তেওঁলোকৰ বয়স আৰু যোগ্যতাৰ অনুসাৰে উন্নতি কৰিবলৈ সহায় কৰক। একেলগে প্ৰচাৰ কাৰ্য্যত সময় অতিবাহিত কৰাৰ পিছত তেওঁলোকৰ সৈতে আলোচনা কৰক যে তেওঁলোকে কেনেকৈ নিজেই যিহোৱাৰ মঙ্গলময়ৰ অনুভৱ কৰিলে। বিশ্বাসত শক্তিশালী কৰি তুলা অভিজ্ঞতাসমূহক বৰ্ণনা কৰক। পৰিয়ালসমূহে যিমানেই “প্ৰভু যে অনুগ্ৰহশীল, তাৰ . . . আস্বাদ” পাই, তেওঁলোকে সিমানেই যিহোৱাৰ কাষ চাপিব আৰু ‘সকলো বেয়া’ কাৰ্য্যৰ পৰা নিজেকে প্ৰতিৰক্ষা প্ৰদান কৰিব।—১ পিত. ২:১-৩.
৫ সভাসমূহত: বিশেষকৈ যেতিয়া পৰিয়ালৰ কোনো সদস্যই ভাগৰি যায়, নিৰুৎসাহী বা আবেগ বিহ্বল হয়, তেনেহʼলে পৰিয়ালৰ আন সদস্যই সভাত উপস্থিত হʼবলৈ সহায় কৰাটো কিমান যে উত্তম! এই বিষয়ে এগৰাকী যুৱতী ভনীয়ে এইদৰে কয়: “মোৰ দেউতা চাকৰিৰ পৰা ঘূৰি ঘৰলৈ অহাৰ পিছত ভাগৰি পৰে। কিন্তু মই তেওঁৰ সৈতে সেই সন্ধ্যা হʼবলগীয়া সভাৰ কিছুমান উত্তম বিষয় আলোচনা কৰোঁ, ইয়ে তেওঁক সভাত উপস্থিত হʼবলৈ উৎসাহিত কৰি তুলে। যেতিয়া মই ভাগৰি পৰোঁ তেতিয়া তেওঁ মোকো সভাত উপস্থিত হʼবলৈ উৎসাহিত কৰে।”—ইব্ৰী ১০:২৪, ২৫.
৬ একেলগে কাৰ্য্য কৰক: পৰিয়ালৰ সকলো সদস্যই একেলগে মিলি-জুলি ঘৰুৱা কাম কৰা উচিত। তদুপৰি, পৰিয়ালে বাছনি কৰা খেল-ধেমালিৰ বাবেও সময় উলিওৱা আৱশ্যক। যেনে, পিকনিক, আনন্দাৰ্থে খোজ কাঢ়ি কৰা ভ্ৰমণ, আত্মীয়-স্বজন বা বন্ধু-বান্ধৰ ঘৰলৈ ফুৰিবলৈ যোৱা। পিছলৈ সেই সময়ছোৱাক স্মৰণ কৰি আপোনাৰ আনন্দ বৃদ্ধি হোৱা অনুভৱ কৰিব।—উপ. ৩:৪.
৭ শক্তিশালী পৰিয়ালে আধ্যাত্মিকতাৰ বিৰুদ্ধে দৈনন্দিন জীৱনত অহা সমস্যাসমূহত সফলতাৰে সম্মুখীন হয়। যিহোৱাৰ একেবাৰে কাষ চাপি অহাৰ বাবে তেওঁলোকে ঈশ্বৰৰ দ্বাৰা শক্তিশালী হোৱা অনুভৱ কৰে।—ইফি. ৬:১০.