আপুনি মন কৰেনে যিহোৱাই আপোনাৰ প্ৰাৰ্থনাৰ উত্তৰ কেনেকৈ দিয়ে?

প্ৰাচীন সময়ত যিহোৱাৰ বহুতো সেৱকে নিজৰ চিন্তাৰ বিষয়ে তেওঁক কৈছিল। আমি বাইবেলত পঢ়িবলৈ পাওঁ যে তেওঁলোকে যিহোৱালৈ কি প্ৰাৰ্থনা কৰিছিল আৰু যিহোৱাই তেওঁলোকক কেনেকৈ উত্তৰ দিছিল। যেতিয়া তেওঁলোকে দেখিলে যে যিহোৱাই কেনেকৈ তেওঁলোকক সহায় কৰিছে, তেতিয়া হয়তো তেওঁলোকৰ বিশ্বাস বাঢ়িল। ঠিক সেইদৰে, যদি আমিও স্পষ্টকৈ নিজৰ চিন্তাৰ বিষয়ে যিহোৱাক জনাওঁ, তেনেহʼলে আমি দেখিবলৈ পাম যে তেওঁ কেনেদৰে আমাৰ প্ৰাৰ্থনাৰ উত্তৰ দিয়ে। হয়তো বহুবাৰ আমি বিচৰা অনুসৰি যিহোৱাই আমাৰ প্ৰাৰ্থনাৰ উত্তৰ নিদিবও পাৰে। হয়তো আমি যি বিচাৰিছিলোঁ, তাতকৈ বেছি তেওঁ আমাক দিয়ে। (২কৰি ১২:৭-৯; ইফি ৩:২০) যিহোৱাই আমাৰ প্ৰাৰ্থনাৰ উত্তৰ কেনেদৰে দিয়ে?

• সমস্যাৰ সন্মুখীন হোৱাৰ সময়ত তেওঁ আমাক সাহস আৰু শক্তি দিয়ে। ইয়াৰ উপৰিও বিশ্বাস দৃঢ় কৰিবলৈ সহায় কৰে।—ফিলি ৪:১৩

• সঠিক নিৰ্ণয় লʼবলৈ তেওঁ আমাক বুদ্ধি দিয়ে।—যাকো ১:৫

• কোনো এটা কাম কৰিবলৈ তেওঁ আমাৰ ইচ্ছা জন্মাই আৰু আমাক শক্তি দিয়ে।—ফিলি ২:১৩

• যেতিয়া আমি চিন্তিত হওঁ, তেতিয়া তেওঁ আমাক মনত শান্তি দিয়ে।—ফিলি ৪:৬, ৭

• তেওঁ আনৰ যোগেদি আমাক সহায় আৰু উৎসাহিত কৰে।—১যোহ ৩:১৭, ১৮

• তেওঁ সেই লোকসকলক সহায় কৰে, যিসকলৰ বাবে আমি প্ৰাৰ্থনা কৰোঁ।—পাঁচ ১২:৫, ১১

যিহোৱা “প্ৰাৰ্থনা শুনোতা” ঈশ্বৰ নামৰ ভিডিঅʼখন চাওক। তাৰ পাছত তলত দিয়া প্ৰশ্নবোৰৰ উত্তৰ দিয়ক:

• বেমাৰৰ বাবে যদি আমি বেছিকৈ সেৱা কৰিব নোৱাৰোঁ, তেনেহʼলে ভাই চিমিজুৰ উদাহৰণৰপৰা আমি কেনেকৈ সাহস লাভ কৰোঁ?

• আমি ভাই চিমিজুৰ দৰে কি কি কৰিব পাৰোঁ?