Jesusan jiwäwip amtañataki taqenir invittʼapjjañäni

Aka marajja, febrero phajjsit 27 urunak saraqataruw invitación lakirañajj qalltasini. Ukhamajja, Jesusan jiwäwip amtañatakejj taqenir invittʼañatakiw territoriosan chʼamachasiñasa. Diosat jukʼamp yatjjatañ munapkani ukanakar yanaptʼañatakis jankʼakïñasawa.

KUNJAMS UK LURSNA

AKHAM SASAW CHURSNA

“Mä wakiskir tantachäwiruw invittʼañ munsma. Marzo phajjsit 23 urunak saraqataruw Jesucriston jiwäwip amtañataki waranq waranqa jaqenakajj oraqpachan tantachasipjjani. Ukanjja Bibliat apstʼat mä arstʼäwiw utjani, kunjamsa Jesusan jiwäwipajj yanaptʼistu ukaw qhanañchasiskani. Uk istʼañatakejj janiw qollqejj mayiskaniti. Aka invitacionanwa kawkhankanisa, kuna horarus apasini ukajj qhanañchaski. Jutasma ukajj walipunïspawa”.

Utanitï sum istʼistani ukhajja:

• YATIYAÑATAKI REVISTA JAYTAÑASA

  Mayan kuttʼañatakiw mä jisktʼa jaytañasa.

• JESUSAN JIWÄWIP AMTAÑATAKI VIDEO UÑTAYAÑASA

  Mayan kuttʼañatakiw mä jisktʼa jaytañasa.

Mayan kutʼkañäni ukhajja:

• ¿KUNATSA BIBLIAT YATJJATAÑAMA? SAT VIDEO UÑTAYAÑASA

  Bibliat kuna qellqatanakampitï jaqenakar yatichktan uka qellqatwa jaytañasa.

• ¿KUNSA BIBLIAX CHIQPACHAPUNI YATICHI? LIBRO CHURAÑASA

  Jesusan jiwäwip kunatsa amtañasa uka toqet parlañatakejja, uka libron 206 janat 208 janakam parlki ukarjamaw qhanañchtʼsna. Ukatsti, uka libro jaytaraksna.

• DIOSAR ISTʼAÑÄNI SAT FOLLETO JAYTAÑASA

  Jesusan jiwäwipajj kunatsa wali wakiskiri uk qhanañchañatakejja, uka folleton 18, 19 jananakapatwa yatjjatsna. Ukjjarusti, uka folleto jaytaraksna.