¿Jehová Diosar jukʼamp jachʼañchsnati?
1. Jehová Diosar ‘jukʼamp jachʼañchañatakejj’ ¿kuna askinakas jichhajj utji?
1 Jïsa, jilat kullakanakajj sapa maraw precursor auxiliarjam 30 horanak marzo ukat abril phajjsinakan lurapjjaspa ukat tamanak tumptʼir jilata jutkani uka phajjsinsa, ukhamarakwa lurapjjaspa. Uka aski luräwejj marzo phajjsin qalltasiwayi. Tamanak tumptʼiritï niya phajjsi tukuyar tamar tumptʼir jutaspa ukhajja, jilat kullakanakaw uka phajjsina jan ukajj ukjjar jutki uka phajjsina 30 horanak phoqhas precursor auxiliarjam irnaqtʼañ amtapjjaspa. Ukat tamanak tumptʼir jilatajj precursor regularanakampi ukat especialanakampi tantachasipkani ukhajja, precursor auxiliaranakajj qalltat tukuykamaw jupanakamp chik tantachasipjjaspa. Ukhamasti, precursor auxiliarjam 50 horanak jan phoqherjamäkstan ukhajja, maran pusi kutiw precursor auxiliarjam 30 horanak irnaqtʼsna, ukhamatwa Jehová Diosarojj ‘jukʼamp jachʼañchsna’ (Sal. 109:30, NM; 119:171).
2. Tamanak tumptʼir jilata jutkani uka phajjsin precursor auxiliarjam irnaqtʼirinakajj ¿kuna askinaksa jikjjatapjjani?
2 Tamanak tumptʼir jutkani uka phajjsina. Uka phajjsin walja jilat kullakanakaw precursor auxiliarjam irnaqtʼapjjaspa, ukat jupamp yatiyir mistusas wali kusisitaw ‘maynit maynikam chʼamañchtʼasipjjaspa’ (Rom. 1:11, 12). Precursor auxiliaranakatï semanan trabajipchi ukhajja, sábado jan ukajj domingo uruw jupamp yatiyir mistuñatak mayipjjaspa, jan ukajj semanan jupamp yatiyir mistuñatakejj mä ursa apstʼasipjjarakispawa. Ukat precursor regularanakamp, especialanakamp tantachtʼasisajj wali chʼamañchtʼataw jikjjatasipjjani.
3. Jesusan jiwäwip amtaski uka phajjsinakan precursor auxiliarjam irnaqtʼañajj ¿kunatsa wakiskirejja?
3 Marzo ukat abril phajjsina. Khitinakatï Jesusan jiwäwip amtañatak 30 horanak precursor auxiliarjam irnaqtʼawayapki ukanakajj janiw uka phajjsik ukham irnaqtʼapkaspati, jan ukasti pä phajjsinakaw Diosar ‘suma sacrificio churañataki’ irnaqtʼapjjaspa (Heb. 13:15). Marzo ukat abril phajjsinakan precursor auxiliarjam irnaqtʼañajj jukʼamp yatiyañatakiw yanaptʼistani. Kunattejj uka phajjsinakanwa Jesusan jiwäwip amtañatakejj invitacionanak lakirasi. Ukat niyakejjay walja jilat kullakanakajj yatiyir mistupjjchinejja, jupanakat waljanimpiw yatiyir misturaksna. Ukat Jesusan jiwäwip amtaskani uka qhepatjja, khitinakatï ukar jutawayapki jupanakaruw mä wakiskir arstʼäwi istʼapjjañapatak invittʼaraksna. Cheqas precursor auxiliarjam irnaqtʼasajj Jehová Diosarojj jukʼampiw jachʼañchsna, ukhamajj ¿uka phajjsinakan precursor auxiliarjam irnaqtʼätati? (Luc. 6:45.)