¿Precursor auxiliarjam jumajj irnaqtʼätati?
1. Jesusan jiwäwip amtaskani uka phajjsinakan Diosan arunakap jukʼampi yatiyañajj ¿kunatsa askïnejja?
1 Jesusan jiwäwip amtaskani uka phajjsinakan Diosan arunakap jukʼampi yatiyañajj wali askïniwa. Ukat Jehová Diosajj munasiñap layku wawap loqtasiwayki ukanakat lupʼiñas askirakïniwa (Juan 3:16). Cheqas ukham luratapatjja, wal yuspärtanjja, ukatwa Jehová Diosatsa ukat kuntï Jupajj jaqenak layku luraski ukanakatsa jaqenakar taqe chuyma yatiyañ muntanjja (Isa. 12:4, 5; Luc. 6:45). ¡Cheqas Jesusan jiwäwip amtañatak invitacionanak vecinonakaru, familiaranakaru ukat uñtʼatanakaru lakirañajj wali kusiskañapuniwa! Ukat uka tantachäwir jutapki ukanakar jukʼampi yatjjatapjjañapatak yanaptʼaskakiñasawa. Ukhamajja, ¿marzo, abril jan ukajj mayo phajjsinakan precursor auxiliarjam irnaqtʼasmati?
2. ¿Kunatsa marzo phajjsin precursorjam irnaqtʼañajj wali askïnejja?
2 Marzo phajjsinwa precursorjam irnaqsna. Marzo phajjsinjja, 30 horanaka jan ukajj 50 horanakaw precursor auxiliarjam loqtañajj utjarakikini. Ukat tamanak tumptʼir jilatatï marzo phajjsin tamar visittʼaskchejja, precursor regularanakampi ukat especialanakamp tantachaski ukarojja, precursor auxiliarjam irnaqtʼapkani ukanakajja, phoqhatpach tantachäwiruw sarapjjarakini. Ukat marzo 1 urutwa, Jesusan jiwäwip amtañatakejj invitacionanak lakirañajj qalltasini, cheqas pasïr maranakat sipanjja, walja urunakaw lakiraskañäni. Jesusan jiwäwipajja, marzo 26 uru saraqataruw amtasiskani. Ukhamajja, marzo phajjsin precursor auxiliarjam irnaqañajj wali askïniwa, kunattejj phesqa sabadoni ukat phesqa domingoniwa.
3. Diosan arunakap jukʼamp horanak yatiyañatakejj ¿kuns luraraksna?
3 Jichjatpachwa wakichtʼasiñama. Precursorjam irnaqtʼañatakejj jichjatpachwa lurañanakam sum wakichtʼasiñama. Niyakejjay familian yanaptʼap munchïtajja, Familiana Diosar Yupaychañataki Aruma sat tantachäwinwa kunsa familiaman sapa maynejj lurañ amtasipki uk parltʼapjjasma ukat ukarjamaw mä horario wakichtʼapjjarakisma (Pro. 15:22). Ukat precursor auxiliarjam jan irnaqerjamaksta ukhajja, jan llakisimti. Diosan arunakap yatiyir mistkäta ukhaw jukʼamp horanak yatiyañatak qheparasma. Jan ukajj semananjja, yaqha uruw misturakisma.
4. Marzo, abril ukat mayo phajjsinakan Diosan arunakap jukʼamp horanak yatiyañatak chʼamachasiñäni ukhajja, ¿kuna bendicionanaksa jikjjatañäni?
4 Marzo, abril ukat mayo phajjsinakantï Diosan arunakap jukʼamp horanak yatiyañatak chʼamachasiñäni ukhajja, Jehová Diosatak irnaqasasa ukat jaqe masisar yanaptʼasasa jukʼamp kusisitarakïñäniwa (Juan 4:34; Hech. 20:35). Ukampirusa, ukham wal chʼamachasitasampejja, Jehová Diosaruw kusisiyarakiñäni (Pro. 27:11).