Yatiyañatak yanaptʼanaka

Agosto phajjsin nayrïr sábado urun Bibliat yatichañ qalltañataki

“Niya taqe jaqenakaw Diosar oracionan mayisipjje. Diosar jan creyirinakas kuna jan walinakan uñjasisas mayisipjjarakiwa. Kamsasmasa, ¿Diosajj taqe jaqenakan mayisitanakap istʼpachati?” [Kamsanis uk istʼäta.] Ukjjarusti, Yatiyañataki agosto sat revistan 16 janan utjki uka yatichäwin nayrïr tʼaqapata ukat Bibliat apstʼat jiskʼa tʼaqanak utjki ukanakat mays uñakiptʼapjjapunïtawa. Ukat revistanak jaytasinjja, ukjjankki uka jisktʼar qhanañchañatakiw kunürus kuttʼasma uk amtawayapjjäta.

Qhanañchäwi: Uka demostracionajj agosto phajjsin 3 uru saraqataruw yatiyir mistuñatak tantachäwin lurasiñapa.

Yatiyañataki Agosto 1

“Jichhürunakan pornografía sasin uñtʼatäki ukajj taqe cheqanakanwa utji, ukat ukajj jan walïkaspas ukham waljanejj amuyapjje. Ukampis yaqhepanakatakejj janiw ukhamäkiti. Uka amuyunakat kawkïris walïspa, ¿uk kunjamatsa yatsna? [Kamsanis uk istʼäta.] Walïki ukat jan walïki uk sum amuyañatakejj kunanakas utjayi ukanakatwa amuyasipjjäta sasaw Jesusajj säna [Mateo 7:17 liytʼäta]. Pornografía sasin uñtʼatäki ukajj kunanakarus purtʼasiyistaspa ukat khitinakatï ukat jitheqtañ munapki ukanakajj kunsa lurapjjaspa taqe ukanakatwa aka revistan qhanañchaski.”

¡Despertad! Agosto

“Taqeniw wiñay jakasiñ muntanjja. Ukampis ¿ciencia toqet yatjjattʼatanakajj wiñay jakasiñatak mä qolla jikjjatapjjpachäniti? [Kamsanis uk istʼäta.] Mä muspharkañ suytʼäwit Bibliajj akham siwa: [1 Corintios 15:26 liytʼäta]. Kunjamsa Diosajj uk lurpachäni ¿ciencia toqnamti uk lurpachäni jan ukajj yaqha toqnamcha? Maysa toqet ¿kunatsa chuymankipstasin jiwpachätan? Kunjamsa Bibliajj uka jisktʼanakar qhanañchpacha ukwa aka revistan yatjjatäta.”