Jehová Diosar servisipkakiñapatak yanaptʼapjjañäni

Jichhak yatiyir mistusipki ukanakarojja, Diosan arunakap jan jaytasa kusisita yatiyapjjañapatakiw qalltatpach yanaptʼañasa. Ukhamatwa suma yatiyirinakar tukupjjani (Pr 22:6; Flp 3:16). Bibliat yateqerisarojj kunjamsa Diosan arunakap sum yatiyañapatak qalltatpach yanaptʼsna uk uñjañäni:

• Yatiyir mistjjani ukhatpachaw yateqerisarojj kunjamsa yatiyañapa uk yatichañasa (km 08/15 pág. 1). Sapa semana yatiyir sarañapajj kunja wakiskirisa uk amuyañapatakiw yanaptʼañasa (Flp 1:10). Yatiyir sarasajj janiw aynachtʼayir arunak parlañasäkiti (Flp 4:8). Grupo uñjir jilatampi, experienciani yaqha jilat kullakanakampi yatiyañapatakiw chʼamañchtʼañasa, ukhamat jupanakat yateqasipjjañapataki (Pr 1:5; km 10/12 pág. 6 párr. 3).

  

• Yateqerisatï bautisasjjanejja yanaptʼaskakiñasawa. “Diosan munasiñapa” sat librot yateqañ jan tukuykstanjja jukʼampiw yanaptʼaskakiñasa (km 12/13 pág. 7).

  

• Jichhak mistuski uka yateqerimpi mistuñäni ukhajja, janiw chʼama arunakampi yatiyañasäkiti. Jupajj yatiykani ukhajja, walik ukham lurtajja sasaw chʼamañchtʼañasa. Kunjamsa jukʼamp sum yatiyaspa uka toqetsa ewjjtʼaraksnawa (km 05/10 pág. 7).