Титуса
1 Аллаһын сечилмишләринин иманына вә һәгигәт барәсиндәки дәгиг билијә әсасән Аллаһын гулу вә Иса Мәсиһин һәвариси олан Булусдан мәктуб. Һәгигәт мөминликлә бағлыдыр 2 вә һеч вахт јалан данышмајан Аллаһын+ әзәлдән вәд етдији әбәди һәјат+ үмидинә әсасланыр. 3 О, вахты чатанда Өз сөзүнү Хиласкарымыз Аллаһын әмри илә мәнә һәвалә едилән тәблиғ хидмәти+ васитәсилә ашкар етди. 4 Бизимлә ејни иманда олан доғма балам Титуса:
Атамыз Аллаһдан вә Хиласкарымыз Мәсиһ Исадан ҝәлән лүтф вә сүлһ сәнә јар олсун!
5 Мән сәни Критдә она ҝөрә гојдум ки, јарымчыг ишләри гајдаја саласан вә ҝөстәриш вердијим кими, шәһәрләрдә ағсаггаллар тәјин едәсән. 6 Ағсаггал гүсурсуз вә тәк бир гадынла евли олмалыдыр. Онун ушаглары позғун һәјат сүрмәкдә вә итаәтсизликдә иттиһам олунмамалы, иманлы олмалыдырлар.+ 7 Бәли, нәзарәтчи Аллаһын нөкәрбашысы кими гүсурсуз олмалыдыр. О, инадкар,+ тез өзүндән чыхан,+ сәрхошлуг едән, зоракы, һарам газанҹ һәриси олмамалыдыр. 8 Әксинә, јахшылығы севмәли, гонагпәрвәр,+ сағламдүшүнҹәли,+ салеһ*, сәдагәтли олмалы+ вә өзүнә һаким олмағы баҹармалыдыр.+ 9 О, тәлим верәркән Аллаһын етибара лајиг сөзүнә бағлы галмалыдыр+ ки, сағлам тәлимин+ сајәсиндә һәм гардашлары үрәкләндирсин, һәм дә бу тәлимә зидд ҝедәнләри тәнбеһ едә билсин.+
10 Чүнки итаәтсиз, бошбоғаз вә јаланчы адамлар чохдур, әләлхүсус да сүннәт тәрәфдарлары арасында беләләри чохдур.+ 11 Беләләринин ағзыны јуммаг лазымдыр, чүнки онлар һарам газанҹ хатиринә ағылларына ҝәләни өјрәдиб аиләләрин иманыны сарсыдырлар. 12 Онлардан бири, елә өз пејғәмбәрләри белә дејиб: «Критлиләр һәмишә јалан данышыр, онлар јыртыҹы, вәһши һејвандырлар, авара вә гарынгулудурлар».
13 Бу, доғрудан да, беләдир. Буна ҝөрә дә онлары даима сәртликлә тәнбеһ ет ки, иманлары мөһкәм олсун, 14 јәһуди нағылларына, һәгигәтдән үз дөндәрән адамларын әмрләринә фикир вермәсинләр. 15 Тәмиз адам үчүн һәр шеј тәмиздир.+ Анҹаг мурдар вә имансыз адам үчүн тәмиз һеч нә јохдур, чүнки онларын әгли дә, виҹданы да ләкәләниб.+ 16 Онлар һамынын гаршысында Аллаһы таныдыгларыны сөјләјирләр, анҹаг әмәлләри илә Ону данырлар,+ чүнки онлар ијрәнҹдирләр, итаәтсиздирләр вә һеч бир јахшы ишә јарамырлар.