Һәвариләрин ишләри
4 Бутрусла Јәһја халга үз тутуб данышаркән каһинләр, мәбәдин рәиси вә саддукиләр+ ҝәлдиләр. 2 Бу адамлар һәвариләрә һирсләнмишдиләр, чүнки һәвариләр халгын гаршысында вәз едир* вә Исанын дирилмәси һаггында ачыг-ашкар данышырдылар.+ 3 Онлар һәвариләри тутдулар вә артыг ахшам олдуғу үчүн ертәси ҝүнәдәк һәбсдә сахладылар.+ 4 Анҹаг һәвариләри динләјәнләрин чоху иман ҝәтирди. Бу адамларын сајы тәхминән беш мин нәфәрә чатды.+
5 Ертәси ҝүн јәһудиләрин рәһбәрләри, ағсаггаллары вә мирзәләри Јерусәлимдә јығышды. 6 Бөјүк каһин Һәнна+, һәмчинин Гајафа+, Јуһәнна, Александр вә бөјүк каһинин бүтүн гоһум-әгрәбасы орада иди. 7 Онлар һәвариләри ортаја ҝәтириб сорғу-суала башладылар: «Бу иши һансы гүввә илә вә кимин ады илә етдиниз?» 8 Бу заман Бутрус мүгәддәс руһла долуб+ онлара деди:
«Еј халгын рәһбәрләри вә ағсаггаллар! 9 Әҝәр бу ҝүн биз бир шикәст адама етдијимиз јахшылыға ҝөрә сорғу-суала чәкилириксә+ вә сиз онун кимин ады илә сағалдығыны билмәк истәјирсинизсә, 10 онда гој һамыныза, бүтүн Исраил халгына мәлум олсун ки, бу адам дирәкдә едам етдијиниз,+ лакин Аллаһын дирилтдији+ нәсрани Иса Мәсиһин ады сајәсиндә+ гаршынызда сапсағлам дајаныб. 11 Иса “сиз бәнналарын һеч сајдығы дашдыр. Анҹаг бу даш күнҹүн әсас дашы олду”.+ 12 Буну да билин ки, ондан башга хиласкар јохдур, чүнки ҝөј алтында Аллаһын инсанлара вердији башга бир ад јохдур+ ки, онун сајәсиндә хилас ола биләк».+
13 Онлар Бутрус вә Јәһјанын ҹәсарәтлә данышдығыны, лакин савадсыз*, садә адам+ олдугларыны ҝөрәндә әввәл чашыб галдылар, амма сонрадан баша дүшдүләр ки, онлар Иса илә бир јердә олан адамлардандырлар.+ 14 Үстәлик, онларын јанында дуран сағалмыш адама+ баханда демәјә бир сөз тапмадылар.+ 15 Онда һәвариләрә Синедрион залындан чыхмағы әмр едиб өз араларында мәшвәрәтә башладылар: 16 «Бунларла нә едәк?+ Ахы онлар, доғрудан да, гејри-ади бир иш ҝөрүбләр, бүтүн Јерусәлим ҹамааты+ да буну билир. Биз буну инкар едә билмәрик. 17 Амма бу әһвалат ҹамаат арасында даһа чох јајылмасын дејә, ҝәлин онлара һәдә-горху ҝәләк вә тапшыраг ки, бир дә бу адла һеч кәсә һеч нә данышмасынлар».+
18 Һәвариләри чағырыб онлара әмр етдиләр ки, бир дә Исанын ады илә һеч нә данышмасынлар вә һеч нә өјрәтмәсинләр. 19 Амма Бутрус вә Јәһја онлара дедиләр: «Өзүнүз фикирләшин: Аллаһын гаршысында Аллаһы гојуб сизә гулаг асмаг нә дәрәҹәдә дүзҝүндүр? 20 Биз ҝөрдүјүмүз вә ешитдијимиз шејләр барәсиндә данышмаја билмәрик».+ 21 Онлар һәвариләрә јенидән һәдә-горху ҝәлиб бурахдылар, чүнки онлары ҹәзаландырмаға бир бәһанә тапмадылар.+ Бир јандан да бүтүн халг бу һадисәјә ҝөрә Аллаһа алгыш едирди, 22 чүнки мөҹүзәви сурәтдә сағалмыш о адамын јашы гырхы өтмүшдү.
23 Һәвариләр азадлыға бурахыландан сонра баҹы-гардашларын јанына ҝедиб бөјүк каһинләрин вә ағсаггалларын сөзләрини онлара данышдылар. 24 Бу сөзләри ешидәндә һамысы бирликдә уҹадан Аллаһа дуа етдиләр:
«Ја Күлли-Ихтијар! Ҝөјү, јери, дәнизи вә онларын ичиндәки һәр шеји Сән јаратмысан.+ 25 Сән мүгәддәс руһ васитәсилә, улу атамыз олан гулун Давудун дили илә+ белә демисән: “Нә үчүн халглар вурнухду, үммәтләр бош шејләр дүшүндү? 26 Дүнјанын падшаһлары галхды, һөкмдарлар бир нәфәр кими Јеһоваја вә Онун мәсһ етдијинә* гаршы бирләшди”.+ 27 Бәли, Һирод вә Понти Пилат+ бу шәһәрдә башга халглардан олан адамларла вә Исраил халгы илә бирләшиб мәсһ етдијин мүгәддәс гулун Исаја гаршы чыхдылар+ ки, 28 Сәнин Өз ҝүҹүнә вә нијјәтинә әсасән габагҹадан мүәјјән етдијин шејләри иҹра етсинләр.+ 29 Она ҝөрә дә инди Јеһова, онларын һәдә-горхуларыны ешит вә бизә, Өз гулларына гүввәт вер ки, Сән шәфа вермәк үчүн әлини узадаркән, 30 мүгәддәс гулун Исанын ады илә әламәтләр вә мөҹүзәләр ҝөстәриләркән+ Сәнин сөзүнү бундан сонра да ҹәсарәтлә данышаг».+
31 Онларын һәрарәтли дуасындан сонра јығышдыглары јер силкәләнди вә һәр бири мүгәддәс руһла долду.+ Онлар Аллаһын сөзүнү ҹәсарәтлә данышмаға башладылар.+
32 Иман јолуна гошулан ҹамаат ҹанбир гәлбдә јашајырды, һәр шејләри үмуми олдуғундан һеч кәс: «Бу мәнимкидир», — демирди.+ 33 Һәвариләр Аға Исанын дирилмәси һаггында гүдрәтлә шәһадәт верирдиләр,+ Аллаһ да Өз лүтфүнү онларын үзәринә бол-бол төкүрдү. 34 Араларында һеч ким корлуг чәкмирди,+ чүнки кимин тарласы, ја еви вардыса, ону сатыр, пулуну исә 35 ҝәтириб һәвариләрин габағына гојурду+ вә бу пул һәр кәсә еһтијаҹына ҝөрә пајланырды.+ 36 Әслән кипрли вә Лави нәслиндән олан Јусиф дә (һәвариләр ону Барнәба+ чағырырдылар, мәнасы «тәсәлли оғлу» демәкдир) 37 өз торпаг саһәсини сатды вә пулуну ҝәтириб һәвариләрин габағына гојду.+