Ваиз
7 Јахшы ад+ әла јағдан, өлүм ҝүнү дә доғум ҝүнүндән јахшыдыр. 2 Јас евинә ҝетмәк зијафәт евинә ҝетмәкдән јахшыдыр,+ чүнки һәр кәсин ахыры будур. Һәр бир јашајан буну јадында сахламалыдыр. 3 Гәм ҝүлүшдән јахшыдыр,+ чүнки чөһрәнин гәми үрәји ҝөзәл едир.+ 4 Һикмәтлинин үрәји јас евиндәдир, ағылсызын үрәји исә шәнлик евиндә.+
5 Һикмәтлинин мәзәммәтини+ ешитмәк ахмагларын нәғмәсинә гулаг асмагдан јахшыдыр. 6 Чүнки ағылсызын ҝүлүшү газан алтында јанан тиканын чыртылтысына бәнзәјир.+ Бу да пучдур. 7 Амма зүлм һикмәтлини дәли едәр, рүшвәт үрәји корлајар.+
8 Ишин ахыры әввәлиндән јахшыдыр. Сәбирли олмаг тәкәббүрлү олмагдан јахшыдыр.+ 9 Күсәјән олма,+ инҹиклик ахмагларын көксүндә јува салыр*.+
10 Демә: «Әввәлки ҝүнләр индикиндән јахшы иди». Мүдрик адам белә демәз.+
11 Һикмәт мирасла гоша оланда ҝөзәлдир, ҝүнәш ишығы ҝөрән һәр кәс үчүн фајдалыдыр. 12 Чүнки һикмәт дә пул кими инсанын сипәридир.+ Амма елмин үстүнлүјү бундадыр ки, һикмәт өз саһибинин һәјатыны һифз едир.+
13 Аллаһын ишинә диггәт јетир, Онун әјдијини ким дүзәлдә биләр?+ 14 Јахшы ҝүнүндә сән дә шад-хүррәм ол,+ пис ҝүндә исә буну бил: һәр ҹүр ҝүнү Аллаһ верир+ ки, инсан сабаһ башына нәләр ҝәләҹәјини билмәсин.+
15 Бу фани һәјатымда+ һәр шеј ҝөрмүшәм — салеһлијинә бахмајараг, мәһв олан салеһи+ дә, пислијинә бахмајараг, узун өмүр сүрән писи дә.+
16 Һәддән артыг салеһ олма,+ өзүнү һәддән артыг мүдрик ҝөстәрмә.+ Ахы нәјә ҝөрә өзүнү мәһв едәсән?+ 17 Һәддән артыг пис олма, нә дә ахмаг олма.+ Ахы нәјә ҝөрә вахтындан тез өләсән?+ 18 Јахшы олар ки, бу нәсиһәтдән бәрк јапышасан, о бирисини дә әлдән бурахмајасан.+ Чүнки Аллаһдан горхан һәр икисинә әмәл едәр.
19 Һикмәт мүдрики шәһәрдәки он ҝүҹлүдән дә ҝүҹлү едир.+ 20 Дүнјада елә салеһ адам јохдур ки, һеч вахт ҝүнаһ етмәсин, анҹаг јахшылыг етсин.+
21 Һәр дејилән сөзә фикир вермә.+ Јохса нөкәринин сәни јаманладығыны ешидәрсән. 22 Ахы үрәјин јахшы билир ки, өзүн дә башгаларыны дәфәләрлә јаманламысан.+
23 Бунларын һамысыны һикмәтлә сынадым, «һикмәтли олаҹағам» дедим. Амма баҹармадым. 24 Кечмишдә оланлар әлчатмаздыр, чох-чох дәриндир. Ким онлары дәрк едә биләр?+ 25 Үрәјимдә гәрар вердим ки, һикмәти, һәр шејин сәбәбини өјрәним, ахтарыб арашдырым, ахмаглығын пислијини, дәлилијин сәфеһлијини баша дүшүм.+ 26 Бир шеји анладым: овчу тәләсинә бәнзәјән гадын өлүмдән дә бетәрдир. Онун үрәји, санки, тор, әлләри гандалдыр. Аллаһы разы салан адам гачыб ҹаныны ондан гуртарар,+ ҝүнаһкар исә она әсир дүшәр.+
27 Ваиз+ деди: «Бах буну өјрәндим, нәтиҹә чыхартмаг үчүн һәр шеји бир-бир арашдырдым, 28 ахтардым, амма ахтардығымы тапмадым. Мин нәфәрин ичиндән бир киши* тапдым, амма онларын арасындан бир гадын тапмадым. 29 Бир буну баша дүшдүм ки, Аллаһ инсанлары камил јаратмышды,+ амма онларын һәрәси бир нијјәтин далынҹа дүшдү.+