ДӘРС 36
Һәр саһәдә дүрүст олун
Һәр кәс достларынын дүрүст олмасыны истәјир. Ејнилә Јеһова да достларындан дүрүстлүк ҝөзләјир. Амма бу һеч дә асан дејил. Чүнки јашадығымыз дүнјада әксәр инсанлар надүрүстлүк едир. Бунунла белә, һәр саһәдә дүрүст олмағын чохлу фајдалары вар. Ҝәлин ҝөрәк бунлар һансылардыр.
1. Ән әсасы нәјә ҝөрә дүрүст олмалыјыг?
Дүрүст даврананда Јеһованы севдијимизи, Она һөрмәт етдијимизи ҝөстәририк. Бизим дүшүнҹәләримиз, әмәлләримиз Јеһованын ҝөзү өнүндәдир (Ибраниләрә 4:13). Дүрүст давранмағымыз Јеһованын диггәтиндән јајынмыр. Бу Она хош ҝедир. Онун Кәламында дејилир: «Јеһова фитнәкардан икраһ едәр, амма салеһ адамла достлуг едәр» (Мәсәлләр 3:32).
2. Һәјатын һансы саһәләриндә дүрүст олмаг лазымдыр?
Јеһова Кәламында бујурур: «Бир-биринизә һәгигәти сөјләјин» (Зәкәријјә 8:16, 17). Нә мәнада? Аилә үзвләримизлә, иш јолдашларымызла, диндашларымызла вә һөкумәт нүмајәндәләри илә данышанда биз нә јалан сөјләјирик, нә дә јанлыш мәлумат веририк. Дүрүст инсан оғурлуг етмир, һеч кимә кәләк ҝәлмир. (Мәсәлләр 24:28 вә Ефеслиләрә 4:28 ајәләрини охујун.) Бүтүн верҝиләри өдәјир (Ромалылара 13:5—7). Беләликлә, биз һәр саһәдә дүрүст олмаға чалышырыг (Ибраниләрә 13:18).
3. Дүрүст олмағын һансы фајдалары вар?
Дүрүст инсана башгалары етибар едир. Дүрүст давранышымызла биз јығынҹағын меһрибан аилә кими олмасына, һәр кәсин өзүнү архајын һисс етмәсинә төһфә веририк. Һәмчинин виҹданымыз тәмиз олур. Ән әсасы, дүрүстлүјүмүзлә «Хиласкарымыз Аллаһын тәлимини» бәзәјирик вә башгаларында Јеһоваја ибадәт етмәк истәји ојадырыг (Титуса 2:10).
Д Ә Р И Н Л И Ј Ә В А Р Ы Н
Ҝөрүн Јеһова дүрүстлүјә неҹә јанашыр, дүрүстлүјүн бизә һансы фајдасы вар вә һәјатын мүхтәлиф саһәләриндә неҹә дүрүст даврана биләрик.
4. Дүрүстлүк Јеһоваја хош ҝедир
Зәбур 44:21 вә Мәлаки 3:16 ајәләрини охујун. Сонра нөвбәти суаллары мүзакирә един:
Һәгигәти өрт-басдыр едә биләҹәјимизи дүшүнмәк нәјә ҝөрә ағылсызлыгдыр?
Сизҹә, чәтин оланда да дүзүнү данышырыгса, Јеһова нә һисс едир?
Ушаглар дүзүнү данышанда валидејнләри севинир. Биз дә һәгигәти сөјләјәндә Јеһоваја хош ҝедир
5. Һәр заман дүрүст давранын
Чохлары дүшүнүр ки, һәмишә дүрүст давранмаға ҝәрәк јохдур. Амма ҝөрүн биз нә үчүн һәр заман дүрүст давранмалыјыг. ВИДЕОЈА бахын.
Ибраниләрә 13:18 ајәсини охујун вә мүзакирә един: Нөвбәти саһәләрдә неҹә дүрүст ола биләрсиниз?
Аиләдә
Ишдә вә ја мәктәбдә
Диҝәр саһәләрдә
6. Дүрүстлүјүн хејри
Бәзән дүрүст давранмаг мүәјјән проблемләрә сәбәб олса да, бу, ән ағыллы һәрәкәтдир. Зәбур 34:12—16 ајәләрини охујун вә нөвбәти суалы мүзакирә един:
Дүрүстлүјүн сизә һансы хејри вар?
А. Әрлә арвад дүрүст оланда аилә мөһкәм олур
Б. Дүрүст ишчи мүдирин етибарыны газаныр
В. Дүрүст вәтәндаш һөкумәт нүмајәндәләринин јанында јахшы ад газаныр
БӘЗИ ИНСАНЛАР ДЕЈИР: «Хырда јаланын һеч кимә зијаны јохдур».
Сизҹә, нәјә ҝөрә Јеһова һәр ҹүр јалана нифрәт едир?
ИҸМАЛ
Јеһова истәјир ки, достлары һәр заман сөздә вә әмәлдә дүрүст олсун.
Тәкрар
Һансы саһәләрдә дүрүст олмалыјыг?
Һәгигәти өрт-басдыр едә биләҹәјимизи дүшүнмәк нәјә ҝөрә ағылсызлыгдыр?
Нәјә ҝөрә һәр заман дүрүст олмаг истәјирсиниз?
Ә Л А В Ә М Ә Л У М А Т
Валидејнләр өвладларына дүрүст олмағы неҹә ашылаја биләр?
Вердијимиз сөзү тутмағын һансы фајдасы вар?
Һәтта дүзҝүн мәгсәдләр үчүн истифадә олунмаса белә, верҝиләри өдәмәк лазымдыр?
«Верҝиләри өдәмәк лазымдыр?» («Ҝөзәтчи гүлләси», 1 сентјабр 2011)
Ҝөрүн надүрүст инсаны дәјишмәјә вә һалал пул газанмаға нә тәшвиг етди.
«Јеһованын мәрһәмәтли вә бағышлајан олдуғуну өјрәндим» («Ҝөзәтчи гүлләси», 1 мај 2015)