Јадыныздадырмы?

«Ҝөзәтчи гүлләси»нин сон сајларыны диггәтлә охумусунуз? Елә исә ашағыдакы суаллара ҹаваб вермәјә чалышын.

Физики, еләҹә дә мәҹази үрәјимизә мүсбәт тәсир ҝөстәрән үч амил һансыдыр?

1) Гида. Физики үрәјимизин сағлам гидаја еһтијаҹы олдуғу кими, мәҹази үрәјимизин дә кифајәт гәдәр сағлам руһани гидаја еһтијаҹы вар. 2) Идман. Хидмәтдә сәјлә иштирак етмәк руһани үрәјимизи јахшы вәзијјәтдә сахламаға көмәк едәҹәк. 3) Әтраф мүһит. Гејдимизә галан һәмиманлыларымызла үнсијјәт едәрәк үрәјимизә дүшән стресси азалда биләрик (15.4, сәһифә 16).

Хәјанәтдән сонра әрлә арвад гаршылыглы етибары неҹә бәрпа едә биләрләр?

Онлар 1) бир-бирләринә гаршы дүрүст олмалы; 2) бирликдә чалышмалы; 3) көһнә вәрдишләриндән әл чәкмәли вә 4) јол вермәмәлидирләр ки, үрәкләриндә кин-күдурәт көк салсын вә араларындакы учуруму арадан галдырмалыдырлар (ијул—сент., сәһифә 10—13).

Нәјә ҝөрә дәфн мәрасиминдә мәрузә илә чыхыш едән натиг Мәзмур 116:15 (ЈД) ајәсини мәрһума тәтбиг етмәмәлидир?

Һәмин ајәдә дејилир: «Садиг бәндәләринин өлүмү Јеһованын ҝөзүндә баһадыр». Бу о демәкдир ки, Јеһова бүтүн садиг хидмәтчиләринин өлүмүнү һәддән артыг баһа гијмәт һесаб едир. Бу сәбәбдән О, һеч вахт онларын бир груп шәклиндә мәһв едилмәсинә јол вермәјәҹәк (15.5, сәһифә 22).

Китабпајлајанлар кимләр иди?

Бу термин 1931-ҹи илә гәдәр инди пионер адландырдығымыз баҹы-гардашлара аид едилирди (15.5, сәһифә 31).

Даниел 2:44 ајәсиндәки «бүтүн әввәлки [падшаһлыглар]» ифадәси нәјә аиддир?

Бу ифадә алтында метал һејкәлин мүхтәлиф һиссәләри илә тәмсил олунан падшаһлыглар вә ја дөвләтләр нәзәрдә тутулур (15.6, сәһифә 17).

Инҝилтәрә-Америка дүнја империјасы Мүгәддәс Китабда пејғәмбәрлик едилән једдинҹи дүнја империјасы нә вахт олду?

Бу икили дүнја империјасы Британија вә Америка Бирләшмиш Штатлары Биринҹи Дүнја мүһарибәси заманы хүсуси шәкилдә әмәкдашлыг етмәјә башладыглары заман мејдана чыхды (15.6, сәһифә 19).