Јашамаға тагәтиниз галмајанда

«Бу һиссләр сәнҝимәк билмирди, она ҝөрә дә чарәни өзүмү өлдүрмәкдә ҝөрдүм», — дејә Бразилијадан олан Адриана дејир.

ҺЕЧ елә олубму ки, мәнәви изтираблар уҹбатындан ҹаныныза гыјмаг истәмисиниз? Әҝәр белә олубса, Адриананы баша дүшәрсиниз. О, шиддәтли нараһатчылыг кечирирди, кәдәрә вә мәјуслуға гәрг олмушду. Адрианаја клиники депрессија диагнозу гојмушдулар.

Јапонијалы Каору гоҹа, хәстә валидејнләринә бахырды. О дејир: «Һәмин вахт ишдә сон дәрәҹә ҝәрҝинлик јашанырды. Сонрадан иштаһым күсдү, јухусузлуг проблеми башлады. Бејнимә белә фикирләр ҝәлирди ки, өлсәм, бүтүн бунлардан ҹаным гуртарар».

Ниҝеријалы Ожебоди дејир: «Һәмишә о гәдәр кәдәрли олурдум ки, ағламаг үчүн бир һимә бәнд идим. Ахырда безиб интиһар етмәк үчүн јоллар ахтармаға башладым». Хошбәхтликдән, Ожебоди, Каору вә Адриана һәјатларына гәсд етмәдиләр. Анҹаг һәр ил јүз минләрлә инсан интиһара әл атыр.

ҺАРА ҮЗ ТУТМАЛЫ?

Өзүнә гәсд едән инсанларын әксәријјәти кишиләр олур. Онлар көмәк истәмәјә утанырлар. Бир пејғәмбәр демишди ки, хәстәләр һәкимә мөһтаҹдырлар (Лука 5:31). Әҝәр сизин дә бејнинизә белә фикирләр ҝәлирсә, көмәк истәмәјә чәкинмәјин. Депрессијадан әзијјәт чәкәнләрин чоху мүалиҹә аландан сонра өзләрини јахшы һисс едирләр. Ожебоди, Каору вә Адриана мүалиҹә олундугдан сонра вәзијјәтләри јахшылашды.

Депрессијаны дәрманларла, сөһбәт терапијасы илә мүалиҹә едирләр. Һәмчинин доғмалар, достлар шәфгәтлә, сәбирлә белә адамлара көмәк едә биләрләр. Инсанын ән јахшы досту Јеһова Аллаһдыр. О, Мүгәддәс Китаб васитәсилә инсана чох бөјүк көмәклик ҝөстәрә биләр.

ИЗТИРАБЛАРЫН БИРДӘФӘЛИК ЧАРӘСИ ВАРМЫ?

Депрессијаја мүбтәла оланлара узунмүддәтли мүалиҹә лазым ҝәлир. Онлар өз һәјат тәрзләриндә, вәрдишләриндә дәјишиклик етмәји өјрәнмәлидирләр. Әҝәр сиз дә депрессијадан әзијјәт чәкирсинизсә, руһдан дүшмәјин, Ожебоди кими, ҝәләҹәјә никбин бахын. О дејир: «Мән Әшија 33:24 ајәсинин јеринә јетмәсини, һеч кәсин хәстәјәм демәјәҹәји вахты сәбирсизликлә ҝөзләјирәм». Сиз дә Ожебоди кими, Аллаһын вәдиндән тәсәлли тапын. Аллаһ вәд едир ки, јер үзүндә ағры-аҹы олмајаҹаг (Вәһј 21:1, 4). Һәмин вахт әгли вә емосионал ағры-аҹыја сон гојулаҹаг. Онлар артыг олмајаҹаг. Сизә әзаб верән һиссләр јадыныза дүшмәјәҹәк, даһа хатырланмајаҹаг (Әшија 65:17).

Мүгәддәс Китабын көмәји

Аллаһ сизин һиссләринизи анлајыр.

«Мән, Аллаһын Јеһова сәнин сағ әлиндән тутмушам. Сәнә дејирәм: “Горхма! Сәнә көмәк едәҹәјәм”» (Әшија 41:13).

Јеһова сизин һиссләринизи һәр кәсдән јахшы баша дүшүр вә сизә көмәк етмәк истәјир.

Аллаһын Кәламыны охујуб дүшүнүн.

«[Илјас] өзүнә өлүм диләјиб деди: “... Јеһова, ҹанымы ал”» (1 Падшаһлар 19:4).

Ожебоди дејир: «Аллаһын Кәламыны охујуб дүшүнмәк мәнә чох көмәк етди. Баша дүшдүм ки, Илјас пејғәмбәр дә мәним кими һиссләр кечириб».

Мүгәддәс Китаб персонажларындан өрнәк алын.

«Мән [јәни Иса] сәнин үчүн [јәни Бутрус үчүн] Аллаһа јалвардым ки, иманын түкәнмәсин» (Лука 22:32).

Һәвари Бутрус Иса Мәсиһи үч дәфә данандан сонра чох дәрин изтираб кечириб һөнкүр-һөнкүр ағлады. Каору дејир: «Бутрусун әһвалатындан ҝөрдүм ки, Јеһова вә Иса Мәсиһ Бутрусун һиссләринә неҹә јанашырды. Бу мәни чох руһландырды».

Сизә әзаб верән һиссләр јадыныза дүшмәјәҹәк, даһа хатырланмајаҹаг (Әшија 65:17)