Суаллар Гутусу

● Нәјә ҝөрә тәблиғчиләрин јашадыглары әразијә аид олан јығынҹагда хидмәт етмәләри мәсләһәт ҝөрүлүр?

Бүтүн ишләри низамла вә теократик гајдалара ујғун һәјата кечирмәк олдугҹа ваҹибдир. Һәвари Павел јазырды: «Аллаһ сүлһ Аллаһыдыр. О, низамсызлығы севмир... Гој һәр шеј әдәб-әрканла вә низамла олсун» (1 Кор. 14:33, 40).

Нәглијјатла бағлы чәтинликләр уҹбатындан, иш графикимизә ҝөрә вә јығынҹаға нәзарәт ишинә көмәјә тәләбат олдуғундан истисна һаллар ола биләр. Лакин үмуми ҝөтүрдүкдә, јашадығымыз әразинин аид олдуғу јығынҹаға ҝетмәк даһа дүзҝүндүр. Бу, хидмәтимизи асанлашдыраҹаг, чүнки групла бирҝә хидмәт етмәк үчүн узаг әразијә ҝетмәк лазым ҝәлмәјәҹәк. Еләҹә дә бу, јығынҹағымызда башгалары илә әмәкдашлыг етмәјә вә мараглананлары онлар үчүн раһат олан јерә дәвәт етмәјә әлверишли шәраит јарадыр. Һәмчинин јахынлыгда јашајан вә чәтин анларда дадымыза чатан баҹы-гардашларла сых әлагәдә олуруг.

Итаәткарлыг ҝөстәриб мүәјјән олунмуш теократик гајдалара әмәл етмәклә Падшаһлығын марагларыны биринҹи јерә гојдуғумузу ҝөстәририк (Лука 16:10). Јени јығынҹаг тәшкил олунанда, ола билсин, достларымыздан ајры дүшмәк истәмирик. Лакин ҝөрүлән тәдбирләри дәстәкләсәк, јени достлар газана вә үнсијјәт даирәмизи ҝенишләндирә биләрик. Бундан әлавә, әҝәр тәблиғчиләр өз јығынҹагларынын әразисиндә јашајырларса, онда ағсаггаллара руһани ҹәһәтдән сүрүнүн гајғысына галмаг вә онлары мөһкәмләндирмәк асан олаҹаг.