Суаллар гутусу

◼ Ҝөрүшләрин вахтындан артыг давам етмәмәси үчүн һәр кәс неҹә көмәк едә биләр?

Јығынҹаг ҝөрүшләриндә интизам һөкм сүрмәлидир вә һәр шеј “әдәблә вә низамла” едилмәлидир (1 Кор. 14:40). Бу о демәкдир ки, ҝөрүшләр тә’јин едилмиш вахтдан артыг давам етмәмәлидир.

Һәр кәс програм башламаздан әввәл ҝәлиб габагҹадан өзүнә јер тутмагла көмәк едә биләр. Бүтүн ҝөрүшләр вахтында башланмалыдыр.

Програмын график ујғун кечмәси үчүн, онун һазырланмасына кифајәт гәдәр диггәт јетирилмәлидир. Әсаслы сурәтдә мәшг едилмиш нитг вә сәһнәҹикләр тә’рифә лајигдир. Хүсуси мәктуб вә һесабатлары охумаг лазым ҝәлдикдә, бәндләр арасындакы вахты әввәлҹәдән ујғунлашдырмаг олар. Адәтән узун вә тәкрарланан е’ланлара еһтијаҹ јохдур. Хидмәти ҝөрүшдә чыхышларына ајрылмыш вахтдан артыг чыхыш едән гардашлара мүвафиг мәсләһәт вермәк олар.

Јахшы оларды ки, “Ҝөзәтчи Гүлләси”нин өјрәнилмәсини апаран гардаш һәр бөлмәјә ајыраҹағы вахты мүәјјән етдикдән сонра мүзакирәнин планыны тәртиб етсин вә сонра өјрәнмә заманы һәмән плана риајәт етсин. Апарыҹы өзү шәрһләриндә гыса ола биләр. Һәмчинин мәсләһәт олунур ки, аудиторијанын да шәрһләри гыса вә мәтләбә ујғун олсун.

Теократик Хидмәт Мәктәбиндә вахтдан артыг сөјләнән тәдрис нитгини дајандырмаг олар. Әҝәр тәлимвериҹи нитглә чыхыш едән гардаш ајрылмыш вахтдан артыг данышарса она ајрылыгда мәсләһәт вермәк олар. Теократик Хидмәт Мәктәбинин рәһбәри дә һәр мәсләһәтә ики дәгигәдән артыг вахт ајырмамагла вә гыса данышмаға чалышмагла програмын график ујғун кечмәсинә көмәк едир. Һәр бир кәс сә’ј ҝөстәрәндә адәтән јығынҹаг ҝөрүшләри вахтында гуртарыр.