Мәсиһчи хидмәти — биринҹи дәрәҹәли ишимиздир
1 Бизим һәр биримизин мүхтәлиф вәзифәләри вар. Мәсәлән, Аллаһын тәләбләриндән бири одур ки, биз аилә үзвләримизин гејдинә галаг (1 Тим. 5:8). Лакин бу кими вәзифәләри јеринә јетирмәк, бизим үчүн Падшаһлыг һаггында тәблиғ етмәкдән вә шаҝирдләр һазырламагдан даһа ваҹиб олмалы дејил (Мат. 24:14; 28:19, 20).
2 Иса, ‘әввәлҹә Падшаһлығы ахтармагда’ бизә нүмунә гојмушдур (Мат. 6:33, И–93; 1 Пет. 2:21). Демәк олар ки, әмлакынын олмамасына бахмајараг, о, диггәтини Атасынын ирадәсини јеринә јетирмәјә јөнәлтмишдир (Лука 4:43; 9:58; Јәһ. 4:34). Иса һәр бир имкандан истифадә едәрәк шаһидлик етмәјә чалышырды (Лука 23:43; 1 Тим. 6:13). О, шаҝирдләрини тәшвиг едирди ки, өзү кими, онлар да мәһсул јығымында фәал иштирак етсинләр (Мат. 9:37, 38).
3 Исаны тәглид едирик. Әҝәр садә, мәсиһчи хидмәтинә мәркәзләшдирилмиш һәјат сүрмәјә чалышырыгса, Исаны тәглид етмиш олуруг. Әҝәр һәјат үчүн зәрури олан шејләрә маликиксә, ҝәлин Мүгәддәс Китабын “өзүнүзә хәзинәләр јығмајын” нәсиһәтинә риајәт едәк (Мат. 6:19, 20; 1 Тим. 6:8). Тәблиғ хидмәтиндә иштиракымызы артырмаға сә’ј ҝөстәрмәк неҹә дә јахшы ишдир! Ҝәлин Иса кими, чәтин вәзијјәтләрдә һәјатын гајғыларынын биринҹи дәрәҹәли ишимизә — Падшаһлыг һаггында тәблиғ етмәјимизә мане олмасына јол вермәјәк (Лука 8:14; 9:59-62).
4 Һәтта чохлу мәс’улијјәтләри оланлар белә, тәблиғ хидмәтини биринҹи дәрәҹәли иш сајырлар. Бөјүк аиләси, мәс’улијјәтли иши олан, һәлә үстәлик мәсиһчи јығынҹағында ағсаггал кими хидмәт едән бир гардаш дејир: “Хидмәт етмәк мәним ән ваҹиб ишимдир”. Пионер бир баҹы белә дејир: “Пионер хидмәти, уғурлу дүнјәви карјерадан даһа дәјәрлидир”.
5 Шәраитимиздән асылы олмајараг, ҝәлин Исанын нүмунәсини тәглид едәк. Неҹә? Мәсиһчи хидмәтини биринҹи дәрәҹәли ишимиз сајмагла.