Сән нәјә үстүнлүк верирсән?
1 Бир чох дини тәшкилатлар фәал сурәтдә хејријјәчилик иши илә мәшғул олурлар: дүнјәви тәһсил оҹаглары вә тибб мәнтәгәләри тикир вә ја онлары малијәләшдирирләр. Јеһованын Шаһидләри исә ‘јахшылыг етмәји вә малларыны башгалары илә бөлүшмәји јаддан чыхармасалар’ да, инсанлара руһани јардым ҝөстәрмәјә үстүнлүк верирләр (Ибр. 13:16).
2 Биринҹи әсрдә гојулан нүмунә. Јер үзүндәки хидмәти заманы Иса чохлу јахшы ишләр ҝөрмүшдүр, лакин о, илк нөвбәдә һәгигәт һаггында шаһидлик етмәк үчүн ҝәлмишди (Лука 4:43; Јәһ. 18:37; Һәв. иш. 10:38). Иса өз давамчыларына ‘ҝедиб, бүтүн халглар арасында шаҝирдләр һазырламаг... онлары өјрәтмәк’ тапшырығы вермишдир (Мат. 28:19, 20, ЈД). Иса демишдир ки, она иман едәнләр, онун етдијиндән даһа бөјүк ишләр ҝөрәҹәкләр (Јәһ. 14:12). Иса тәблиғ ишини биринҹи дәрәҹәли иш сајырды, чүнки тәблиғ инсанлара хилас јолуна дурмаға көмәк едир (Јәһ. 17:3).
3 Һәвари Павел, өзүнүн тәблиғ фәалијјәтини ‘зәрури вәзифә’, е’тинасыз јанашмаг мүмкүн олмајан тәләб сајырды (1 Кор. 9:16, 17). Хидмәтини баша вура билмәк үчүн, һәр ҹүр фәдакарлыға һазыр иди, мүхтәлиф сынаглара вә чәтинликләрә таб ҝәтирирди (Һәв. иш. 20:22-24). Петер вә диҝәр һәвариләр дә буна бәнзәр руһ әкс етдирирдиләр. Һәтта һәбсхана вә дөјүлмәк дә онларын иманыны сындыра билмәди вә онлар “тә’лим вермәкдән вә Исанын Мәсиһ олдуғуну мүждәләмәкдән ваз кечмирдиләр” (Һәв. иш. 5:40-42).
4 Бәс бизим һаггымызда нә демәк олар? Падшаһлыг һаггындакы хош хәбәри тәблиғ етмәк вә шаҝирдләр һазырламаг ишинә үстүнлүк веририкми? Исаны тәглид едәрәк, “чобансыз гојунлар кими тагәтсиз вә дағыныг” оланлара гајғы ҝөстәририкми? (Мат. 9:36). Дүнјада баш верән һадисәләр вә Мүгәддәс Китабын пејғәмбәрликләри ҝөстәрир ки, бу системин ихтијарына верилән вахт баша чатыр. Тәблиғ ишинин ваҹиблијини дәрк етмәк, бизи һәгигәт һаггында јорулмадан шәһадәт етмәјә тәшвиг едәҹәк.
5 Имканларыны јенидән нәзәрдән кечир. Шәраит тез-тез дәјишдији үчүн вахташыры олараг имканларымызы јенидән нәзәрдән кечирмәк јахшы оларды. Тәблиғ хидмәтиндә даһа фәал иштирак етмәк үчүн һансыса дәјишиклик едә биләрикми? Бир баҹы 50-70-ҹи илләрдә пионер кими хидмәт едирди, лакин сәһһәти илә бағлы проблемләр уҹбатындан пионер хидмәтини дајандырмалы олду. Вахт кечдикҹә сағламлығы јахшылашды. Бу јахынларда имканларыны јенидән нәзәрдән кечирди вә гәрара ҝәлди ки, јенидән пионер кими хидмәт едә биләр. 90 јашында Пионер Хидмәти Мәктәбиндә тә’лим ала билдији үчүн баҹы неҹә дә хошбәхт иди! Бәс сән неҹә? Тезликлә тәгаүдә чыхмаг вә ја тәһсилини баша чатдырмаг үзрәсәнми? Сәнин пионер хидмәтинә башламаг кими ҝөзәл имканын вар!
6 Иса ҝөрәндә ки, Марта “ишин чохлуғундан чашмышдыр”, она достҹасына баша салды ки, һәр шејә садәликлә јанашмаг бөјүк хејир-дуадыр (Лука 10:40-42). Сән һәјатыны садәләшдирә биләрсәнми? Аиләни доландырмаг үчүн һәгигәтәнми һәм әрин, һәм дә арвадын ишләмәсинә еһтијаҹ вар? Бәлкә аилә бир мәваҹиблә дә долана биләр? Чохлары һәјатларында, хидмәтдә даһа чох иштирак етмәјә имкан верәҹәк дәјишикликләр етмиш, нәтиҹәдә исә бол руһани хејир-дуалар алмышлар.
7 Ҝәлин, Исанын вә һәвариләрин гојдуглары нүмунәни тәглид едәк! Шүбһәсиз ки, Јеһова бизим Падшаһлыг һаггында шаһидлик етмәк кими ваҹиб ишдә там иштирак етмәк ҹәһдимизә хејир-дуа верәҹәк (Лука 9:57-62).