Хидмәти ҝөрүшләрин ҹәдвәли

Гејд. Јај ајлары әрзиндә “Бизим Падшаһлыг Хидмәтимиз”дә хидмәти ҝөрүшләрин һәр һәфтә үчүн ҹәдвәли дәрҹ олунаҹагдыр. Јығынҹаглар, “Аллаһла јеријин” адлы вилајәт конгресинә ҝетмәклә әлагәдар һәмин ҹәдвәлә лазыми дәјишикликләр дахил едә биләр. Әҝәр лазымдырса, конгресдән әввәл кечириләҹәк ахырынҹы хидмәти ҝөрүшдә “Бизим Падшаһлыг Хидмәтимиз”ин һәмин сајындакы әлавә вәрәгәдә верилән мүнасиб мәсләһәтләрин тәкрарына 15 дәгигә вахт ајырмаг олар. Октјабр ајында кечириләҹәк хидмәти ҝөрүшләрдән бири бүтүнлүклә конгрес програмынын диггәтәлајиг фикирләринин тәкрарына һәср олунаҹаг. Бу мүзакирәјә һазыр олмаг үчүн, бизим һамымыза конгрес заманы ваҹиб, о ҹүмләдән шәхси һәјатымызда вә тәблиғ хидмәтимиздә тәтбиг етмәк истәдијимиз фикирләри гејд етмәк лазымдыр. Сонра бу мәсләһәтләри неҹә тәтбиг етдијимиз һаггында даныша биләрик.

Апрелин 12-дән башланан һәфтә

Маһны 93.

10 дәг. Јерли е’ланлар. “Бизим Падшаһлыг Хидмәтимиз”дән сечилмиш е’ланлар. 8-ҹи сәһифәдә верилән мәсләһәтдән истифадә едәрәк сәһнәҹик һазырла. Бу сәһнәҹикдә “Ҝөзәтчи Гүлләси”нин 1 мај сајыны тәгдим етмәјин үсулу ҝөстәрилир. Сәһнәҹикдә “Мүгәддәс Китаб әсасында сөһбәтә башламағын вә давам етмәјин үсулу” (рус.) брошүрасынын 11-ҹи вә 12-ҹи сәһифәләринә әсасән “Мән мәшғулам” е’тиразынын өһдәсиндән ҝәлмәјин үсулуну ҝөстәр.

15 дәг. “Малик олдуғумуз шејләрин ән јахшысыны Јеһоваја веририк”a. 4-ҹү абзасы мүзакирә едәркән, иштирак едәнләрә тәклиф ет ки, хидмәтдә инсанлара неҹә мәһәббәт ҝөстәрә биләҹәјимизә даир өз фикирләрини сөјләсинләр.

20 дәг. “Онун “Исмини бирликдә јүксәлдәк”b. Бу мәгаләни чап олунмуш суаллардан истифадә едәрәк ағсаггал мүзакирә едир. Сизин јығынҹағын һансы конгресә тә’јин едилдијини хатырлат. Програмын башланғыҹынын вә сонунун вахты “Бизим Падшаһлыг Хидмәтимиз”ин 2003-ҹү ил декабр сајынын әлавә вәрәгәсиндә јазылыб. Һәмин әлавә вәрәгәдән башга бә’зи фикирләрә дә диггәт јетирмәк олар. Сонда нөвбәти хидмәти ҝөрүшдә мүзакирә олунаҹаг “Вахтында верилән руһани гида” мәгаләсиндән ики-үч суал вер.

Маһны 91 вә јекун дуа.

Апрелин 19-дан башланан һәфтә

Маһны 55.

8 дәг. Јерли е’ланлар

17 дәг. “Исанын дүшүнҹә тәрзини тәглид ет”c. Чап едилмиш суаллары вер. 4-ҹү абзасы мүзакирә едәркән көмәкчи пионерләрә тәклиф ет ки, бу хидмәт нөвүндә һансы хејир-дуалары әлдә етдикләрини сөјләсинләр.

20 дәг. “Вахтында верилән руһани гида”d. Чап едилмиш суаллары вер. Иҹазә вер ки, 2-ҹи абзасын мүзакирәси заманы бир-ики тәблиғчи онлар үчүн унудулмаз олан конгресләр һаггында гыса олараг данышсынлар. Сонда нөвбәти хидмәти ҝөрүшдә мүзакирә олунаҹаг “Һәр һәрәкәтиниздә мүгәддәс олун” мәгаләсиндән ики-үч суал вер.

Маһны 80 вә јекун дуа.

Апрелин 26-дан башланан һәфтә

Маһны 46.

12 дәг. Јерли е’ланлар. Малијјә һесабаты. Тәблиғчиләрә апрел ајы үчүн тәблиғ хидмәти һаггында һесабат вермәји хатырлат. Мај ајында тәклиф едәҹәјимиз әдәбијјаты хатырлат. 8-ҹи сәһифәдә верилән мәсләһәтдән истифадә едәрәк сәһнәҹик һазырла. Бу сәһнәҹикдә “Ҝөзәтчи Гүлләси”нин 1 мај сајыны тәгдим етмәјин үсулу ҝөстәрилир. Сәһнәҹикдә иш вә ја синиф јолдашына неҹә тәблиғ етмәјин үсулуну ҝөстәр.

15 дәг. Јерли тәләбатлар.

18 дәг. “Һәр һәрәкәтиниздә мүгәддәс олун”e. Чап едилмиш суаллары вер. Иштирак едәнләрә тәклиф ет ки, конгрес нүмајәндәләринин нүмунәви давранышларынын Јеһоваја иззәт ҝәтирмәси барәдә һансыса һадисәләри данышсынлар. Сонда нөвбәти хидмәти ҝөрүшдә мүзакирә олунаҹаг “Әхлаги тәмизлији әкс етдирән хариҹи ҝөрүнүш” мәгаләсиндән ики-үч суал вер.

Маһны 38 вә јекун дуа.

Мајын 3-дән башланан һәфтә

Маһны 48.

10 дәг. Јерли е’ланлар. Адәтән јај үчүн планлашдырылан — вилајәт конгресиндә иштирак етмәк, көмәкчи пионер хидмәти, евин әтрафыны абадлашдырмаг вә еһтимал ки, истираһәт һаггында гыса олараг даныш. Әҝәр јығынҹағын әразисиндә надир һалларда ишләнән әрази варса, оранын әсаслы ишләнмәси үчүн тәшкил едилмиш планлар һаггында даныш. Јај ишләри вә сәјаһәтләр адәт едилмиш графики позмамасы, аиләви өјрәнмәнин, јығынҹаг ҝөрүшләринин вә тәблиғ хидмәтинин икинҹи плана кечмәмәси үчүн јахшы планлашдырма лазымдыр (Сүл. мәс. 21:5). Тәблиғчиләрә хатырлат ки, евдә галмаларындан вә ја һара исә ҝетмәләриндән асылы олмајараг, тәблиғ хидмәти һаггында һесабаты чатдырсынлар.

15 дәг. “Ҝәнҹләр, Аллаһын Кәламыны охујун!”f. Габагҹадан бир-ики ҝәнҹ тәблиғчидән хаһиш ет ки, Мүгәддәс Китабы шәхси охумаг програмы вә онун ҝәтирдији фајда һаггында данышсынлар. Ҝәнҹләри тәшвиг ет ки, Мүгәддәс Китабы бүтүнлүклә охумағы гаршыларына мәгсәд гојсунлар. “Хидмәт Мәктәби” китабындан (рус), сәһ. 10, абз. 4-дә олан бә’зи фикирләри дахил ет.

20 дәг. “Әхлаги тәмизлији әкс етдирән хариҹи ҝөрүнүш”g. Чап едилмиш суаллары вер. Вахт имкан верирсә, ҝәтирилән ајәләри мүзакирә ет.

Маһны 164 вә јекун дуа.

[Һашијәләр]