САХЛАЈЫН
Брошүралар үчүн мәсләһәт ҝөрүлән тәгдимәләр
Бу әлавә вәрәгәдәки тәгдимәләр брошүралары мүвәффәгијјәтлә пајламагда сизә көмәк едәҹәк. Тәгдимәләри јерли шәраитә ујғунлашдырмаг олар. Башга тәгдимәләрдән дә истифадә етмәк олар. Белә һалларда онлары бу вәрәгәдәки тәгдимәләрин нүмунәси әсасында һазырламаг олар. («Бизим Падшаһлыг Хидмәтимиз»ин 2005-ҹи ил јанвар сајынын 8-ҹи сәһифәсинә бах.)
Бу вәрәгәдәки тәгдимәләр өзүнә бунлары дахил едир: 1) сөһбәтә башламаг үчүн дүшүнмәјә тәшвиг едән суал, 2) галдырылан суалын мүзакирәсинә даир брошүрадан бир парча охумаг вә 3) мүзакирә заманы Мүгәддәс Китабдан охујаҹағымыз мүнасиб ајә. Мүсаһибин ҹавабындан асылы олараг, тәгдимәләри өз сөзләринизлә јекунлашдыра биләрсиниз.
«Аллаһын ады әбәдијјән мөвҹуд олаҹаг» (рус.)
«Әксәријјәтимиз “Еј ҝөјләрдә олан Атамыз, адын мүгәддәс тутулсун” сөзләри илә башланан дуа илә танышыг (Мат. 6:9). Лакин сизә мә’лумдурму ки, бизим хиласымыз бу ады билмәјимиздән асылыдыр?» (с. 28, абз. 1; Ром. 10:13).
«Һәјатда мәмнунлуғу неҹә тапмаг олар?» (рус.)
«Бүтүн јер үзүндә инсанлар һәјатларыны јахшылашдырмаға чалышырлар. Сизҹә, биз нә вахтса әсл мәмнунлуға наил олаҹағыгмы?» (с. 29, абз. 6; 2 Пет. 3:13).
«Һамы үчүн олан китаб»
«Неҹә дүшүнүрсүнүз, Мүгәддәс Китабда бу ҝүн бизим үчүн фајдалы олан мәсләһәтләр вармы?» (с. 22, фәслин ады; 23-ҹү сәһифәдәки чәрчивә, абз. 3; Сүл. мәс. 25:11).
«Сизә әзиз олан адам өләндә»
«Бу ҝүн биз, әзизләриндән кимисә итирән милјонларла инсанлара тәсәлли вә үмид верән брошүра пајлајырыг. Өләнләр үчүн һансы үмидин мөвҹуд олдуғуну билмәк истәрдинизми?» (с. 27, абз. 3; Јәһ. 5:28, 29).
«Сиз, әзиз адамыны итирән инсана неҹә тәсәлли вермәк һагда нә вахтса дүшүнмүсүнүзмү?» (с. 20, абз. 1; Сүл. мәс. 17:17).
«Ҹәннәт ҝәтирән бир һөкумәт»
«Бир чох инсанлар буҝүнкү чәтинликләрдән азад олмаг арзусундадырлар. Неҹә дүшүнүрсүнүз, бизим проблемләримизи һәлл едәҹәк бир һөкумәт нә вахтса мөвҹуд олаҹагмы?» (с. 3, абз. 1; Мат. 6:9, 10).
«Јер үзүндәки һәјата әбәдијјән севин!»
«Бир чох инсанлар һесаб едирләр ки, ҝөјә ҝетдикдән сонра әбәди һәјатдан севинҹ дуја биләҹәкләр. Бәс сиз әбәди һәјатын јер үзүндә олаҹағы һаггында нә дүшүнүрсүнүз?» (брошүранын үзүндәки шәкил; Вәһј 21:4).
«Үч үгнума инанмаға дәјәрми?» (рус.)
«Инсанлар Аллаһ һаггында мүхтәлиф тәсәввүрләрә маликдирләр. Сизҹә, иман етдијимиз Аллаһы неҹә тәсәввүр етмәјимизин бир әһәмијјәти вармы?» (с. 3, абз. 3, 7, 8; Јәһ. 17:3).
«Инсан өләндә нә баш верир?»
«Бизә әзиз олан адам өләндә, онун һарада олдуғуну вә онунла бир даһа ҝөрүшүб-ҝөрүшмәјәҹәјимизи билмәк истәјирик. Сиз нә вахтса бу һагда дүшүнмүсүнүзмү?» (32-ҹи сәһифәдәки суаллар; Әјј. 14:14, 15).
«Аллаһ һәгигәтән дә бизим гејдимизә галырмы?» брошүрасы үчүн мәсләһәт ҝөрүлән тәгдимәләр
Сон фаҹиәви хәбәрләри хатырладараг демәк олар:
«Сизҹә, әҝәр Аллаһ һәгигәтән дә бизим гејдимизә галырса, онда нәјә ҝөрә инсанларын изтираб чәкмәсинә јол верир? [Ҹаваб вермәсинә изн вер.] Бу брошүра бу суала ајдын ҹаваб верир вә һәмчинин Аллаһын јахын ҝәләҹәкдә нәләр едәҹәјини ҝөстәрир. [27-ҹи сәһифәдәки шәкли ҝөстәр вә 22-ҹи абзасдан Мәзмур 145:16 ајәсини оху.] Аллаһ инсанларын бу ҝүн чәкдикләри изтираблара неҹә сон гојаҹаг? Мән бу суалы сизинлә ҝәлән дәфә мүзакирә етмәк истәјәрдим». Брошүраны тәклиф ет вә тәкрар ҝөрүш һагда даныш.
Тәкрар башчәкмә заманы демәк олар:
«Өтән дәфә биз бу ајәни охумушдуг. [Мәзмур 145:16 ајәсини оху вә ја ситат ҝәтир.] Сонра исә мән белә бир суал вермишдим: Аллаһ инсанларын бу ҝүн чәкдикләри изтираблара неҹә сон гојаҹаг?» Она вердијин брошүраны ҝөтүрмәсини хаһиш ет. Сонра исә 27, 28-ҹи сәһифәләри ачыб 23-25-ҹи абзаслары мүзакирә ет. Мүгәддәс Китабы өјрәнмәји вә ја ҝәлән дәфә 26, 27-ҹи абзаслары мүзакирә етмәји тәклиф ет.
Ҝәнҹ тәблиғчи дејә биләр:
«Мәним бир чох һәмјашыдларымы 10-15 илдән сонра дүнјанын нә вәзијјәтдә олаҹағы нараһат едир. Сизҹә, о заман һәјат неҹә олаҹаг? [Ҹаваб вермәсинә изн вер.] Буҝүнкү проблемләр бизим сон ҝүнләрдә јашадығымыза ишарә едир. [2 Тимотејә 3:1-3 ајәләрини оху.] Бу брошүрада нөвбәти суалларын ҹавабыны тапмаг олар. [Брошүранын үзүндәки суаллары оху вә брошүраны тәклиф ет.] Ҝәлән дәфә ҝәләндә, бир нечә дәгигә вахтыныз олса, сизинлә хәстәликләрин вә гоҹалығын неҹә јох олаҹағы һагда фикирләри бөјүк мәмнунијјәтлә бөлүшмәк истәрдим». Тәкрар ҝөрүш һагда даныш.
Тәкрар башчәкмә заманы демәк олар:
«Өтән дәфәки сөһбәтимиздә сөз вермишдим ки, сизинлә хәстәликләрин вә гоҹалығын неҹә јох олаҹағы һагда фикирләри бөлүшәҹәјәм. Бу фикир бурада вурғуланыр». Хаһиш ет ки, о өз брошүрасыны ҝөтүрсүн, сонра исә 23, 24-ҹү сәһифәдәки 6, 7-ҹи абзаслары оху вә мүзакирә ет. Ҝәлән дәфә 8-ҹи вә 9-ҹу абзаслары мүзакирә едәҹәјиниз барәдә даныш.
Ушагла тәблиғ едәркән јашҹа бөјүк олан тәблиғчи өзүнүн вә ушағын адыны билдирдикдән сонра дејә биләр:
«________ сизин үчүн Мүгәддәс Китабдан бир ајә охумаг истәјир. [Ушаг Мәзмур 37:29 ајәсини охујур вә гысаҹа олараг изаһ едир.] Бу брошүрада Аллаһын бәшәријјәтә вә Јер күрәсинә даир нијјәтләрини неҹә һәјата кечирәҹәји һагда бәһс едилир. [24-27-ҹи сәһифәләрдәки шәкилләри ҝөстәр.] Ҝәлән дәфә мән сизә Мүгәддәс Китабдан дирилмәјә олан үмид һаггында данышмаг истәјәрдим». Брошүраны тәклиф ет вә тәкрар ҝөрүш һагда даныш.
Тәкрар башчәкмә заманы јашҹа бөјүк олан тәблиғчи дејә биләр:
«Илк дәфә ҝәләндә сизә Мәзмур 37:29 ајәсини охумушдум вә сөз вермишдим ки, Мүгәддәс Китаба әсасланан дирилмә үмиди һаггында данышаҹам. Бурада дејиләнләрә диггәт јетирин». Хаһиш ет ки, о өз нүсхәсини ҝөтүрсүн вә 24, 25-ҹи сәһифәләрдәки 12-14-ҹү абзаслары мүзакирә ет. Мүгәддәс Китаб өјрәнмәси тәклиф ет вә ја ҝәлән дәфә 15, 16-ҹы абзаслары мүзакирә етмәк һаггында даныш.
«Һәјатын мә’насы нәдәдир? Ону неҹә тапмаг олар?» брошүрасы үчүн мәсләһәт ҝөрүлән тәгдимәләр
Ев саһиби илә саламлашдыгдан сонра демәк олар:
«Бу ҝүн бизим һеч биримиз чәтинликләрдән вә мә’јуслугдан гачына билмирик. Сизҹә, һәјат белә олмалыдыр? [Ҹаваб вермәсинә изн вер.] Бу брошүрада изаһ олунур ки, Аллаһын јер үзүнә вә инсанлара даир илк нијјәти һөкмән һәјата кечәҹәк. [20, 21-ҹи сәһифәләрдәки шәкли мүзакирә ет. Сонра исә 9-ҹу абзасы охујуб Јешаја 14:24 вә 46:11 ајәләринә хүсуси диггәт јетир.] Ҝәлән дәфә Аллаһын јер үзүндә Ҹәннәти бәрпа едәҹәји барәдә Мүгәддәс Китабда јазылан вә’ди сизә ҝөстәрмәјә чох шад оларам». Брошүраны тәклиф ет вә тәкрар ҝөрүш һаггында даныш.
Тәкрар башчәкмә заманы демәк олар:
«Өтән дәфә мән гејд етмишдим ки, Аллаһын инсана јер үзү Ҹәннәтдә әбәди һәјат вермәк нијјәти вар. [20, 21-ҹи сәһифәләрдәки шәкли бир дә ҝөстәр.] Диггәт јетирин ки, Ҹәннәт һаггында Иса, Петер вә Давуд да данышмышдыр». 21, 22-ҹи сәһифәләри ач вә 10-13-ҹү абзаслары мүзакирә ет. Мүгәддәс Китаб өјрәнмәси, ја да 29, 30-ҹу сәһифәләрдәки јарымсәрлөвһәләрдән бирини мүзакирә етмәји тәклиф ет.
Ҝәнҹ тәблиғчи дејә биләр:
«Мәним бир чох һәмјашыдларым ҝәләҹәјә шүбһә илә бахырлар. Сиз неҹә дүшүнүрсүнүз, ҝәләҹәк нәсил даһа јахшы јашајаҹагмы? [Ҹаваб вермәсинә изн вер.] Мүгәддәс Китабда бәшәријјәт үчүн олаҹаг ҝөзәл ҝәләҹәкдән бәһс едилир. [31-ҹи сәһифәдәки шәкли ачыб алтындакы јазыны оху. Сонра исә 2 Петер 3:13 ајәсини оху.] Бу брошүрада Аллаһын бүтүн инсанлар үчүн һазырладығы хејир-дуалар һаггында данышылыр. [Һәмсөһбәтинин диггәтини 29, 30-ҹу сәһифәләрдәки јарымсәрлөвһәләрә јөнәлт вә брошүраны она тәклиф ет.] Мән сизинлә јенидән ҝөрүшмәк вә Аллаһын бүтүн мүһарибәләрә сон гојмаг вә’ди һаггында данышмаг истәјәрдим. Тәкрар ҝөрүш барәдә даныш.
Нөвбәти дәфә ҝәләндә демәк олар:
«Өтән дәфә мән сизә Аллаһын јер үзүндә Ҹәннәти бәрпа етмәк нијјәти һаггында данышмышдым. [Һәмсөһбәтинин диггәтини бир дә 31-ҹи сәһифәдәки шәклә јөнәлт.] Аллаһын бүтүн мүһарибәләрә сон гојмаг вә’динә даир сизин нә дүшүндүјүнүзү билмәк мараглы оларды». Ондан өз нүсхәсини ҝәтирмәји хаһиш етдикдән сонра 29-ҹу сәһифәдәки 3-6-ҹы абзаслары оху вә мүзакирә ет. Ҝәлән дәфә 7, 8-ҹи абзаслары мүзакирә етмәк һаггында даныш.
Ушагла тәблиғ едәркән јашҹа бөјүк олан тәблиғчи өзүнүн вә ушағын адыны билдирдикдән сонра дејә биләр:
«________ сизә бир шәкил ҝөстәрмәк вә сизин үчүн Мүгәддәс Китабдан бир ајә охумаг истәрди. [Ушаг 31-ҹи сәһифәдәки шәкли ҝөстәрир вә онун алтындакы јазыны охујур. Сонра о, Вәһј 21:4 ајәсини охујур.] Бу брошүрада Аллаһын бу ҝүн гаршылашдығымыз проблемләри арадан неҹә галдыраҹағы изаһ едилир. [29, 30-ҹу сәһифәләрдәки јарымсәрлөвһәләри ҝөстәр вә брошүраны тәклиф ет.] Нөвбәти дәфә мән сизә Аллаһын сағламлыгла әлагәдар бүтүн проблемләри арадан ҝөтүрмәк вә’дини ҝөстәрмәк истәјәрдим».
Тәкрар башчәкмә заманы јашҹа бөјүк олан тәблиғчи дејә биләр:
«Өтән дәфә мән демишдим ки, сизә Аллаһын сағламлыгла бағлы бүтүн проблемләри арадан галдырмаг вә’дини ҝөстәрәҹәјәм. Ҝөрүн бурада бу һагда нә дејилир». Гој о өз нүсхәсини ҝәтирсин, сонра исә сән 29-ҹу сәһифәдәки 9-14-ҹү абзаслары оху вә мүзакирә ет. Мүгәддәс Китаб өјрәнмәси вә ја ҝәлән дәфә 15-17-ҹи абзаслары мүзакирә етмәји тәклиф ет.
Мүхтәлиф динләрә мәнсуб олан инсанлар үчүн олан брошүралар
«Нә вахтса мүһарибәсиз дүнја олаҹагмы?» (рус.)
Јәһудијә тәблиғ едәркән демәк олар:
«Бизләрдән чохумуз әзизләримиздән кимисә итирмиш вә буна ҝөрә кәдәр һисси кечирмишик. Сиз неҹә фикирләширсиниз, инсан өләндә онунла нә баш верир?» Ҹаваб вермәсинә изн вер. Сонра 22-ҹи сәһифәдәки «Өлүм вә ҹан — бу нәдир?» адлы чәрчивәјә диггәт јетир. 23-ҹү сәһифәдә дирилмә һаггында мә’луматдан ибарәт олан 17-ҹи абзасы да оху. Гејд ет ки, гәбилә башчысы Әјјуб дирилмәјә үмид бәсләјирди. Брошүраны тәклиф ет вә 17-ҹи абзасын сонунда ҝәтирилән ајәләри ҝәлән дәфә мүзакирә едәҹәјиниз һагда даныш (км 10/99 с. 8, рус.).
«Проблемләримизи һәлл етмәкдә бизә ким көмәк едәҹәк?»a
Ҝәнҹ һиндусла даншаркән демәк олар:
«Шүбһәсиз ки, сиз Аллаһа инанырсыныз. Неҹә дүшүнүрсүнүз, Аллаһын бизимлә бағлы нијјәти нәдән ибарәтдир? [Ҹаваб вермәсинә изн вер. Сонра исә Јарадылыш 1:28 ајәсини оху.] Јер күрәсинин бир чох јерләриндә әһали сыхлығы чох јүксәк олдуғундан инсанлар проблемләр әлиндән әзаб чәкирләр. Сизҹә, Јарадан проблемләримизин һәллиндә бизә көмәк етмәк истәјирми?» Ҹаваб вермәсинә изн вер, сонра исә брошүраны тәклиф ет (км 9/99 с. 8, рус.).
«Биз нәјә ҝөрә Аллаһа мәһәббәтлә вә һәгигәтә әсасән ибадәт етмәлијик?»b
Бу тәгдимәни аиләли һиндусла ҝөрүшәндә истифадә етмәк олар:
«Мән бу ҝүн аилә илә баш верәнләрә ҝөрә нараһатчылыг кечирән инсанлара баш чәкирәм. Сизҹә, аиләдә бирлији горумаг үчүн нә көмәк едә биләр? [Ҹаваб вермәсинә изн вер.] Бә’зи инсанлар һиндуист јазыларында аилә һаггында нә дејилдијини билирләр, лакин онларын һеч заман бу фикирләри Мүгәддәс Китабда дејиләнләрлә мүгајисә етмәк имканлары олмајыб. Мән бу фикирләрдән бирини сизинлә бөлүшмәк истәјәрдим. [Колослулара 3:12-14 ајәләрини оху.] Бу брошүрада Һиндистанын мүгәддәс јазылары вә һәмчинин Мүгәддәс Китаб мүзакирә олунур». Брошүраны тәклиф ет вә 8, 9-ҹу вә 20, 21-ҹи сәһифәләри ҝөстәр (км 9/99 с. 8, рус.).
«Мөһкәм сүлһ вә хошбәхтлик. Бунлара неҹә наил олмаг олар?»c
Чинли тәләбәјә тәблиғ едәркән демәк олар:
«Диггәт јетирмишәм ки, бүтүн тәләбәләр сүлһ вә хошбәхтлик истәјирләр. Буну сиз дә арзу едирсинизми? [Ҹаваб вермәсинә изн вер.] Мәҝәр гәдим заманларда јазылмыш бу сөзләрин һәјата кечмәсини ҝөрмәк валеһедиҹи дејилми?» Мәзмур 37:11 ајәсини оху вә брошүраны тәклиф ет (км 2/98 с. 5, рус.).
«Аллаһын рәһбәрлији Ҹәннәтә апаран јолу ҝөстәрир»
Мүсәлманла сөһбәт едәркән демәк олар:
«Мән мүсәлманларла сөһбәт етмәјә чалышырам. Билирәм ки, мүсәлманлар ваһид һәгиги Аллаһа вә бүтүн пејғәмбәрләрә инанырлар. Бу фикир дүздүрмү? [Ҹаваб вермәсинә изн вер.] Мән сизинлә гәдим бир пејғәмбәрлик һаггында сөһбәт етмәк истәрдим. Бу пејғәмбәрлијә ҝөрә Јер Ҹәннәтә чевриләҹәк. Сизин үчүн пејғәмбәрин сөзләрини охуја биләрәмми? [Ҹаваб вермәсинә изн вер, сонра исә Јешаја 11:6-9 ајәләрини оху.] Бу пејғәмбәрлик Гур’андан алынан вә бу брошүрада ҝәтирилән ситаты хатырладыр». 9-ҹу сәһифәни ач вә галын шрифтлә ҝөстәрилән ҹүмләни оху. Мараг ҝөстәрилсә, 8-ҹи сәһифәдәки 7-9-ҹу абзаслары мүзакирә ет (км 11/99 с. 8, рус.).
«“Будур, Мән һәр шеји јениләшдирирәм”» (рус.)
Буддизм дининә мәнсуб олан јашлы инсана демәк олар:
«Ҝәнҹләримизин зеһинләринә пис тә’сир едән идеја ахыны илә гаршылашмағымыз, еһтимал ки, һәр биримизи нараһат едир. Сизҹә, ҝәнҹләр арасында әхлагсызлығын бу дәрәҹәдә артмасына сәбәб нәдир? [Ҹаваб вермәсинә изн вер.] Билирсинизми ки, бу һагда мүсәлманлығын, христианлығын вә һиндуизмин јаранмасындан чох әввәл јазылан бир китабда габагҹадан хәбәр верилмишдир? [2 Тимотејә 3:1-3 ајәләрини оху.] Фикир верин ки, бу ҝүн инсанларын даим өјрәнмәләринә бахмајараг әхлаг принсипләри һеч дә јахшылашмыр. [7-ҹи ајәни оху.] Бу брошүра мәнә, инсанларын әксәријјәтинин дәрк едә билмәдикләри һәгигәти өјрәнмәјә көмәк едиб. Сиз буну охумаг истәјәрдинизми?» (км 8/99, с. 8, рус.).
[Һашијәләр]
a Бу брошүра Азәрбајҹан дилиндә јохдур, амма инҝилис, гуҹарат, пәнҹаб вә бир сыра һинд дилләриндә вар.
b Бу брошүра Азәрбајҹан дилиндә јохдур, амма инҝилис, гуҹарат вә пәнҹаб дилләриндә вар.
c Бу брошүра Азәрбајҹан дилиндә јохдур, амма инҝилис, Чин вә бә’зи башга дилләрдә вар.