Јеһоваја ибадәт јеринә һөрмәт ҝөстәр
1 Киминсә евиндә гонаг оланда онун евинә һөрмәтлә јанашыр, һеч нәјә зијан вурмур вә евдә олан низам-интизамы горумаға чалышырыг. Јеһованын гонағы оланда буну етмәк неҹә дә ваҹиб олмалыдыр! Биз Онун евиндә өзүмүзү неҹә апармалы олдуғумузу јахшы билмәлијик (Мәз. 15:1; 1 Тим. 3:15). Јығынҹаг ҝөрүшләримизин Падшаһлыг Залында, евдә вә ја иҹарәјә ҝөтүрүлмүш бир јердә кечирилмәсиндән асылы олмајараг, әксәријјәтимиз ибадәт јеримизә һөрмәтлә, ‘әзәмәти ҝөјләрин, јерин үстүндә’ олан Јеһованын еви кими јанашырыг (Мәз. 148:13).
2 Бәзи һәмиманлылар ҝөрүшләрдә сакитлији позараг лазыми һөрмәт ҝөстәрмирләр, ја да өзләрини елә апарырлар ки, сәһнәдән дејиләнләр елә дә әһәмијјәтли дејил. Ҝөрүш ҝедән заман бәзи баҹы-гардашлар фоједә, дәһлиздә, туалетдә, јахуд Падшаһлыг Залынын һәјәтиндә бош-бош сөһбәт едирләр. Балаҹа ушаглары јашҹа бөјүк ушаглара тапшыранда, һәрдән онларын башы ојнамаға гарышыр вә ҝөрүшдән чох аз фајда әлдә едирләр. Ҝөрүшдән сонра бәзи ушаглар Падшаһлыг Залынын һәјәтиндә ојнајыр, гышгыр-бағыр салыр, һәтта бир-бири илә тәпикләширләр. Бәзән онлар гоншулугдакы инсанлары нараһат едир, јахуд дајанаҹагдакы вә ја јолдакы нәглијјатын һәрәкәтинә мане олурлар.
3 Һөрмәт ҝөстәр. Әҝәр биз ибадәтимизин һөрмәтәлајиг вә мүгәддәс олдуғуну дәрк едириксә, шүбһәсиз, пычылты етмәклә, нә исә јемәклә, саггыз чејнәмәклә, кағызы хышылдатмагла, еһтијаҹ олмадан туалетә ҝетмәклә, тез-тез јығынҹаға ҝеҹикмәклә башгаларынын фикрини јајындырмајаҹағыг. Анлајышлы вә ибадәт јеринә һөрмәтлә јанашан валидејнләр ушагларынын Падшаһлыг Залынын, јахуд ҝөрүш кечирилән евләрин дөшәмәсинә ләкә салмаларына, мебелә вә ја диварлара әл вурмаларына јол вермәјәҹәкләр. Сөзсүз ки, һамымыз разылашаҹағыг ки, ҝөрүш јери биабырчы давранышын, јерсиз сөһбәтләрин вә ја налајиг зарафатларын јери дејил (Ефес. 5:4).
4 Јығынҹагларын нә үчүн кечирилдијини һәмишә јадымызда сахласаг, өзүмүзүн вә ушагларымызын Јеһоваја ибадәтә лазыми һөрмәст ҝөстәрмәсинә диггәт јетирәҹәјик (Мәз. 84:10).