Өвладларыныза Аллаһын хидмәтчиси олмаға көмәк един
1. Мәзмур 148:12, 13 ајәләриндәки сөзләр мәсиһчи валидејнләри нәјә тәшвиг едир?
1 Јеһова ҝәнҹләри Она һәмд етмәјә сәсләјир (Мәз. 148:12, 13). Буна ҝөрә дә, мәсиһчи валидејнләр ушагларына Мүгәддәс Китаб һәгигәтләрини вә Аллаһын әхлаг нормаларыны өјрәтмәклә кифајәтләнмирләр, һәмчинин онлара хош хәбәрин тәблиғчиси олмағы өјрәдирләр. Буну етмәјин ән јахшы үсулу һансыдыр?
2. Валидејнләрин јахшы нүмунәси ушагларына неҹә тәсир едә биләр?
2 Валидејнләрин нүмунәси. Һаким Ҝидеон онунла олан 300 нәфәрә деди: «Мәнә бахын, мән неҹә едирәмсә, сиз дә елә един» (Һак. 7:17). Адәтән, ушаглар валидејнләринә бахыб онларын етдикләрини тәглид едирләр. Ҝеҹә нөвбәсиндә ишләјән бир ата шәнбә ҝүнү сәһәр евә ҝәләндә нә гәдәр јорғун олса да, јатмаг әвәзинә, ушаглары илә бирликдә хидмәтә ҝедир. О, һеч бир сөз сөјләмәдән ушагларына хидмәтин һәр шејдән ваҹиб олдуғуну өјрәдир (Мат. 6:33). Сизин өвладларыныз да валидејнләринин ибадәтин ваҹиб саһәләриндә, мәсәлән, дуа етмәк, Мүгәддәс Китабы охумаг, шәрһ вермәк вә тәблиғ етмәк кими нөвләриндә севинҹлә иштирак етдикләрини ҝөрүрләрми? Әлбәттә, сиз камил нүмунә ола билмәзсиниз. Лакин әҝәр ушаглар сизин хидмәтдә сәјли олдуғунузу ҝөрүрләрсә, онда Јеһоваја ибадәтдә онлара өјрәтмәк истәдикләринизә һај вермәјә даһа чох мејилли олаҹаглар (Ганун. т. 6:6, 7; Ром. 2:21, 22).
3. Валидејнләр ушагларына гаршыларына һансы руһани мәгсәдләри гојмаға вә наил олмаға көмәк етмәлидирләр?
3 Конкрет мәгсәдләр. Валидејнләр усанмадан ушагларына нә исә өјрәдирләр, мәсәлән, данышмағы, јеримәји, ҝејинмәји вә саирә. Мүәјјән инкишаф мәрһәләсинә чатанда исә онларын гаршысына јени мәгсәдләр гојурлар. Әҝәр валидејнләр мәсиһчидирсә, онлар ушагларына көмәк едирләр ки, јашларына вә габилијјәтләринә ујғун олараг гаршыларына руһани мәгсәдләр гојсунлар вә онлара наил олмаға чалышсынлар (1 Кор. 9:26). Сиз ушагларыныза өз сөзләри илә шәрһ вермәји вә Теократик Хидмәт Мәктәбиндә алдыглары тапшырыглара һазырлашмағы өјрәдирсинизми? (Мәз. 35:18). Онлара хидмәтин мүхтәлиф саһәләриндә иштирак етмәјә көмәк едирсинизми? Онлары вәфтиз олунмаға вә таммүддәтли хидмәтә тәшвиг едирсинизми? Хидмәтдә севинҹлә вә шөвглә иштирак едән тәблиғчиләрлә үнсијјәтдә олмаларына шәраит јарадырсынызмы? (Сүл. мәс. 13:20).
4. Валидејнләрин еркән јашларындан ушагларыны хидмәтә өјрәтмәләри онлара һансы фајданы ҝәтирир?
4 Мәзмурчу дејир: «Еј Аллаһ, ҝәнҹлијимдән бәри мәнә тәлим вермисән, Сәнин харигәләрини индијәдәк елан едирәм» (Мәз. 71:17). Ушагларыныза хидмәтчи олмағы кичик јашларындан өјрәтмәјә башлајын. Сизин көмәјинизлә гојдуглары руһани тәмәл онлара бөјүјәндән сонра да фајда ҝәтирәҹәк (Сүл. мәс. 22:6).