«Һәр ҹүр адам»а тәблиғ ет
1. Хидмәтдә сәмәрәли олан тәблиғчи илә мәһарәтли сәнәткар арасында һансы охшарлыг вар?
1 Маһир сәнәткарын чохлу аләтләри олур вә онларын һәр бириндән нә вахт вә неҹә истифадә етмәли олдуғуну јахшы билир. Ејнилә, бизим дә тәблиғ ишини там јеринә јетирә билмәјимиз үчүн мүхтәлиф аләтләримиз вар. Мәсәлән, чохлу сајда чап олунан мүхтәлиф нәшрләр бизә «һәр ҹүр адам»а тәблиғ етмәјә көмәк едир (1 Кор. 9:22). Әлавә вәрәгәдә бәзи брошүраларын сијаһысы ҝәтирилир, онларын кимин үчүн нәзәрдә тутулдуғу изаһ олунур вә һәмин брошүралары хидмәтдә истифадә етмәк үчүн тәгдимәләр ҝәтирилир.
2. Хидмәтдә брошүра вермәк нә заман мүнасибдир?
2 Брошүралардан нә заман истифадә етмәли? Адәтән, сәнәткар истәнилән аләтдән она лазым оланда истифадә едир. Бунун кими, биз дә брошүралары тәкҹә «Бизим Падшаһлыг Хидмәтимиз» вәрәгәләриндә ҝөстәрилән ајда јох, кимәсә фајда ҝәтирәҹәјини дүшүндүјүмүз вахтларда да тәклиф едә биләрик. Мәсәлән, әҝәр һәмин ај өјрәнмә үчүн нәзәрдә тутулан китаб тәгдим олунурса вә биз инсанларын Мүгәддәс Китаба аз мараг ҝөстәрдији әразидә тәблиғ едириксә, бу заман мүнасиб брошүра тәклиф етмәк, инсанын марағыны артырдыгдан сонра исә һәмин китаба кечмәк јахшы оларды.
3. Нәјә ҝөрә тәблиғ аләтләримиздән мәһарәтлә истифадә етмәји өјрәнмәлијик?
3 Мүгәддәс Јазылар ишиндә маһир олан адамын тәрифәлајиг олдуғуну дејир (Сүл. мәс. 22:29). Әлбәттә, бу ҝүн Аллаһын хош хәбәри илә бағлы мүгәддәс иш гәдәр ваҹиб иш јохдур (Ром. 15:16). Буна ҝөрә дә, биз «алныачыг бир ишчи» олмаг үчүн әлимиздәки аләтләрдән мәһарәтлә истифадә етмәјә чалышмалыјыг (2 Тим. 2:15).