Манеәләри дәф ет: ҝәрҝин графикин оланда
1 Нәјә ҝөрә бәзиләри Мүгәддәс Китабы өјрәнмәји тәклиф етмәјә чәкинирләр?
1 Бәзиләри ҝәрҝин графикләри уҹбатындан Мүгәддәс Китабы өјрәнмәји тәклиф етмәјә чәкинирләр. Өјрәнән инсанын гајғысына галмаг — өјрәнмәјә һазырлашмаг, ону кечирмәк вә өјрәнәнин руһән инкишаф етмәсинә мане олан әнҝәлләрин өһдәсиндән ҝәлмәјә көмәк етмәк үчүн вахт тәләб олунур. Һәвари Павел Салоники шәһәриндә Јеһова һаггында өјрәнәнләрә көмәк етмәк үчүн һәтта ҹаныны белә вермәјә һазыр олдуғуну демишди (1 Салон. 2:7, 8). Ҝәрҝин графикимизин олмасына бахмајараг, Мүгәддәс Китабы өјрәтмәк үчүн нә едә биләрик?
2. Јеһоваја мәһәббәтдән ирәли ҝәләрәк вахтымыздан сәмәрәли шәкилдә неҹә истифадә едә биләрик?
2 Јеһоваја хидмәт вахт тәләб едир. Ајдын мәсәләдир ки, ибадәт вахт тәләб едир. Мәсәлән, биз мүнтәзәм олараг јығынҹагларда, хидмәтдә иштирак едир, Мүгәддәс Китабы охујур вә дуа едирик. Евли инсан нә гәдәр мәшғул олмасына бахмајараг, өз һәјат јолдашына бөјүк мәмнунијјәтлә вахт ајырыр. Ејнилә, биз дә бөјүк мәмнунијјәтлә Јеһоваја мәһәббәтдән ирәли ҝәләрәк ибадәт етмәк үчүн даһа чох вахты сатын алмалыјыг (Ефес. 5:15—17; 1 Јәһ. 5:3). Исанын сөзләринә әсасән, шаҝирд һазырламаг иши ибадәтимизин ваҹиб һиссәсидир (Мат. 28:19, 20). Бунун үзәриндә дәриндән дүшүнмәк бизә Мүгәддәс Китабы өјрәтмәк мәсулијјәтиндән бојун гачырмамаға көмәк едәҹәк.
3. Шәраитимиз уҹбатындан, вахтымыз јохдурса, Мүгәддәс Китабы өјрәтмәк үчүн нә едә биләрик?
3 Бәс әҝәр ҝәрҝин иш графикинә, хроники хәстәлијә вә ја теократик мәсулијјәтләрә ҝөрә вахтымыз јохдурса, онда неҹә? Бәзән тәблиғчиләр Мүгәддәс Китаб өјрәнмәсини телефон вә компүтер васитәсилә кечирмәли олурлар. Хроники хәстәлик уҹбатындан вахты олмајан тәблиғчи Мүгәддәс Китабы өјрәтдији инсаны өз евинә дәвәт едирләр. Бәзиләри башга бир тәблиғчини дә дәвәт едирләр ки, өзләрини пис һисс етдикләри һалда о, өјрәнмәни кечирә билсин.
4. Инсанлара Мүгәддәс Китабы өјрәтмәјин сајәсиндә һансы хејир-дуалары әлдә едирик?
4 Павел бөјүк севинҹлә өз вахтыны вә гүввәсини инсанлара һәгигәти өјрәнмәјә көмәк етмәк үчүн сәрф едирди (Һәв. иш. 20:35). Салоникидә ҝөрдүјү ишләр барәдә дүшүнмәк ону Аллаһа шүкүр етмәјә тәшвиг етди (1 Салон. 1:2). Әҝәр ҝәрҝин графикимизин бизә Мүгәддәс Китабы өјрәтмәк ишиндә иштирак етмәкдә мане олмасына јол вермәсәк, хидмәтдән даһа чох севинҹ вә мәмнунлуг дујаҹағыг.