Пејғәмбәрләрдән нүмунә ҝөтүрүн — Һушә
1. Биз өзүмүзә һансы суалы верә биләрик?
1 «Мән Јеһова үчүн һансы гурбанлары вермәјә һазырам?» Ола билсин, Онун бол хејирхаһлығы вә мәрһәмәти үзәриндә дүшүнәндә өзүнүзә бу суалы вермисиниз (Мәз. 103:2—4; 116:12). Һәтта чәтин олса да, Һушә Јеһованын ҝөстәришләринә табе олмаға һазыр иди. Биз Һушәни неҹә тәглид едә биләрик?
2. Һушә кими, биз дә тәблиғ ишиндә неҹә гәтијјәтли ола биләрик?
2 Ҝәрҝин вахтда тәблиғ ет. Һушәнин хәбәри бирбаша һәгиги ибадәтин силинмәк үзрә олдуғу онгәбиләли Исраил падшаһлығына үнванланмышды. Падшаһ II Јаровам Јеһованын ҝөзүндә пис олан ишләр етди вә I Јаровамын тәсис етдији данаја ибадәти давам етдирди (2 Пад. 14:23, 24). Сонракы падшаһларын дөврүндә дә онгәбиләли падшаһлыг е. ә. 740-ҹы илдә тамамилә мәһв олунана гәдәр руһани ҹәһәтдән бәрбад вәзијјәтдә иди. Һәмин дөврдә јалан ибадәтин ҝениш јајылмасына бахмајараг, Һушә ән азы 59 ил пејғәмбәр кими сәдагәтлә хидмәт етмишди. Бәс биз лагејд вә ја әдавәтли мүнасибәтлә үзләшмәјимизә рәғмән илбәил тәблиғ етмәјә гәтијјәтлијикми? (2 Тим. 4:2).
3. Һушәнин һәјаты Јеһованын мәрһәмәтини неҹә әкс етдирир?
3 Диггәтини Јеһованын мәрһәмәтинә ҹәмлә. Јеһова Һушәјә «хәјанәткар бир арвад» алмағы тапшырыр (Һушә 1:2). Арвады Гомер она бир оғул доғса да, сонрадан онун гејри-гануни ики ушағы олур. Һушәнин өз арвадыны бағышламаға һазыр олмасы Јеһованын төвбә едән дикбаш исраиллиләрә ҝөстәрдији бөјүк мәрһәмәти әкс етдирир (Һушә 3:1; Ром. 9:22—26). Бәс биз һәр ҹүр адама Јеһованын мәрһәмәтини ҝөстәрмәк үчүн шәхси истәкләримизи кәнара гојмаға һазырыгмы? (1 Кор. 9:19—23).
4. Биз Јеһова үчүн һансы гурбанлары верә биләрик?
4 Јеһованын бәзи хидмәтчиләри хидмәтдә даһа чох иштирак етмәк үчүн өз ҝәлирли ишләрини гурбан верирләр. Диҝәрләри Падшаһлығын марагларыны биринҹи јерә гојмаг үчүн субај галыр вә ја өвлад саһиби олмагдан имтина едирләр. Ола билсин, Һушәнин һәјаты үзәриндә дүшүнәндә биз өзүмүзә дејирик: «Мән һеч вахт онун етдијини едә билмәздим». Лакин Јеһованын лүтфүнә ҝөрә миннәтдарлығымыз артдыгҹа вә Онун мүгәддәс руһуна даһа чох ҝүвәндикҹә Јеһова, Һушәдән истифадә етдији кими, биздән гејри-мүмкүн һесаб етдијимиз шәкилдә истифадә едәҹәк (Мат. 19:26; Филип. 2:13).