Дөзүм ҝөстәриб ҝөзләјин

Аллаһын Падшаһлығынын ҝәлмәсини нә гәдәр вахтдыр ҝөзләјирсиниз? Чәтинликләрә бахмајараг, сәбирлә дөзүм ҝөстәрирсиниз? (Рм 8:25) Бәзи мәсиһиләр әдавәтлә, пис рәфтарла, һәбс, һәтта өлүм тәһлүкәсилә үзләширләр. Диҝәрләри исә хроники хәстәлик, јахуд гоҹалыг кими проблемләрдән әзијјәт чәкир.

Бизә чәтин вәзијјәтдә дөзүм ҝөстәриб ҝөзләмәјә нә көмәк едә биләр? Иманымызы һәр ҝүн Мүгәддәс Китабы охујуб дүшүнмәклә гидаландырмалыјыг. Диггәтимизи үмидимизә ҹәмләмәлијик (2Кр 4:16—18; Иб 12:2). Дуада Јеһоваја јалварыб мүгәддәс руһу васитәсилә бизә ҝүҹ вермәсини истәмәлијик (Лк 11:10, 13; Иб 5:7). Меһрибан Атамыз бизә «севинҹлә вә сәбирлә таб ҝәтирмәјә» көмәк едә биләр (Кл 1:11).

«“ЈАРЫШДА ДӨЗҮМЛӘ ГАЧЫН”. ГАЛИБИЈЈӘТӘ ИНАНЫН» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• 

  Һәјатымызда һансы «тәсадүф» баш верә биләр? (Вз 9:11)

• 

  Дуа бизә сынаглара таб ҝәтирмәјә неҹә көмәк едир?

• 

  Әҝәр Јеһоваја әввәлки гәдәр хидмәт едә билмириксә, нәјә ҝөрә диггәтимизи едә билдијимиз шејләрә ҹәмләмәлијик?

• 

  Мүкафат алаҹағыныза әмин олмаға сизә нә көмәк едир?