«Мәсиһи һәјаты вә ибадәти. Иш дәфтәри» үчүн мәнбәләр
6—12 МАЈ
АЛЛАҺЫН КӘЛАМЫНДАКЫ ХӘЗИНӘ | 2 КОРИНФЛИЛӘРӘ 4—6
«Биз руһдан дүшмүрүк»
it-1-E с. 724, 725
Дөзүм
Ҝәләҹәјә үмиди, ҝүнаһсыз вәзијјәтдә әбәди јашамаг үмидини јаддан чыхармамаг чох ваҹибдир. Әлејһдарлар һәјатымыза сон гојсалар да, бу үмиди әлимиздән ала билмәзләр (Рм 5:4, 5; 1Ск 1:3; Вһ 2:10). Һәмин мөһтәшәм үмид ҝерчәкләшәндә инди чәкилән әзијјәтләр адамын ҝөзүнә һеч нә кими ҝөрүнәҹәк (Рм 8:18—25). Нә гәдәр шиддәтли олурса-олсун, һәр бир әзијјәт әбәдијјәтлә мүгајисәдә гысамүддәтли вә јүнҝүлдүр (2Кр 4:16—18). Инсан сынагларын мүвәггәти олдуғуну јадында сахласа вә саһиб олдуғу үмиддән мөһкәм јапышса, мәјуслуға гапылмаз вә Јеһова Аллаһа сәдагәтиндән дөнмәз.
Һикмәт хәзинәсиндән инҹиләр
w12-E 1/2 с. 28, 29
«Јеһованы севиндирин»
Рәһбәрлик Шурасынын үзвү олан Девид Сплејн бу мөвзуну арашдырды (2 Коринфлиләрә 4:7). Хәзинә нәдир? Биликдир, бәлкә, һикмәтдир? «Хејр, — дејә о ҹаваб верди. — Һәвари Булусун данышдығы хәзинә инсанлара һәгигәти ачмагдан ибарәт олан хидмәтимиздир» (2 Коринфлиләрә 4:1, 2, 5). Сплејн гардаш шаҝирдләрә хатырлатды ки, дәрс охумагла кечирдикләри беш ај онлары алаҹаглары хүсуси тәјинат үчүн һазырлајыб. Онлар бу тәјинатын гәдрини билмәлидирләр.
Натиг изаһ етди ки, сахсы габлар бизим ҹисмани бәдәнимизи билдирир. О, ҝилдән дүзәлдилмиш габы гызыл габла мүгајисә етди. Гызыл габы, адәтән, тез-тез ишләтмирләр. Сахсы габлары исә ишләтмәк үчүн дүзәлдирләр. Биз хәзинәни гызыл габа гојсаг, габын ичиндәки хәзинә гәдәр габын өзүнә дә диггәт јетирәрик. Сплејн гардаш шаҝирдләрә мүраҹиәт едиб деди: «Сиз диггәти өзүнүзә ҹәлб етмәмәлисиниз. Хүсуси тәјинатлы мүждәчи олараг инсанлары Јеһоваја јөнәлтмәлисиниз. Сиз садә сахсы габларсыныз».
13—19 МАЈ
АЛЛАҺЫН КӘЛАМЫНДАКЫ ХӘЗИНӘ | 2 КОРИНФЛИЛӘРӘ 7—10
«Јардым иши»
w98-E 1/11 с. 25, абз. 1
«Аллаһ ҝүләрүзлә верәни севир»
Булус коринфлиләрә македонијалылардан данышды. Онлар јардым ишиндә ҹанла-башла иштирак етмишдиләр. Булус јазырды: «Онлар әзијјәтләрлә долу ағыр сынагла үзләшәркән, јохсул олмаларына бахмајараг, һәдсиз севинҹ вә бөјүк сәхавәт нүмајиш етдирдиләр». Македонијалылары буна мәҹбур етмәк лазым ҝәлмәмишди. Әксинә, Булус дејирди ки, онлар «дөнә-дөнә хаһиш етдиләр ки, онлар да бәхшишләр вериб мүгәддәсләрә јардым ишиндә иштирак етсинләр» (2 Коринфлиләрә 8:2—4). Македонијалыларын ҝүләрүзлә сәхавәт ҝөстәрмәси хүсусилә диггәтәлајигдир, чүнки онлар өзләри дә јохсуллуг ичиндә идиләр (2 Коринфлиләрә 8:2—4).
Һикмәт хәзинәсиндән инҹиләр
g99-E 8/7 с. 20, 21
Гүрурлу олмаг писдир?
Инҹилдә гүрурланмаг, ловғаланмаг, севинмәк кими тәрҹүмә олунан каухаомај феили һәм мәнфи, һәм дә мүсбәт мәнада ишләнир. Мәсәлән, Булус дејир ки, «Аллаһ бизи шәрәфә чатдыраҹаг. Буна ҝөрә дә ҝәлин севинәк». О һәмчинин мәсләһәт ҝөрүрдү: «Өјүнән гој Јеһова илә өјүнсүн» (Ромалылара 5:2; 2 Коринфлиләрә 10:17). Бу о демәкдир ки, Јеһованын Аллаһымыз олмасындан гүрур дујмалыјыг. Гүрур дујдуғумуз үчүнсә Аллаһын мүгәддәс адына вә нүфузуна ҝөрә севинирик.
20—26 МАЈ
АЛЛАҺЫН КӘЛАМЫНДАКЫ ХӘЗИНӘ | 2 КОРИНФЛИЛӘРӘ 11—13
«Булусун ҹисминә батырылан тикан»
Зәифлијә бахмајараг, ҝүҹлү ола биләрик
Сәдагәтлә хидмәт едән һәвари Булус Јеһовадан хаһиш етмишди ки, «ҹисминдәки тиканы», јәни она әзијјәт верән проблеми арадан галдырсын. О бу бәладан гуртулмаг үчүн үч дәфә Аллаһа јалвармышды. Бу бәланын нә олдуғуну билмирик, анҹаг о бир тикан кими санҹылараг, Булусу хидмәтин ҝәтирдији севинҹдән мәһрум едә биләрди. Булус дејирди ки, бу тикан она әзаб верирди. Анҹаг Јеһова онун хаһишинә белә ҹаваб вермишди: «Лүтфүм сәнә јетәр. Чүнки сән зәиф оланда Мәним ҝүҹүм өзүнү бүтүнлүклә ҝөстәрир» (2 Коринфлиләрә 12:7—10). Јеһова Булусун ҹисминдәки тиканы чыхармады. Булус бунунла јашамалы олду. Амма о деди: «Мән зәиф оланда ҝүҹлүјәм» (2 Кор. 12:7—10). О нәји нәзәрдә тутурду?
it-2-Е с. 587, абз. 3
Булус
Бундан бир гәдәр сонра Бутрус Суријадакы Антакја шәһәринә ҝәлди вә сүннәт олунмамыш гејри-јәһудиләрлә үнсијјәт етди. Амма Јерусәлимдән јәһудиләр ҝәләндән сонра инсан горхусу она үстүн ҝәлди вә о, гејри-јәһудиләрдән узаглашды, беләликлә дә, руһун рәһбәрлијинә зидд давранды. Мүгәддәс руһ ачыг-ајдын ҝөстәрирди ки, Аллаһ үчүн ҹисмани фәргләрин һеч бир мәнасы јохдур. Һәтта Барнәба да бу тәсирә ујмушду. Буну ҝөрән Булус ҹәсарәтлә һамынын гаршысында Бутрусу ифша етди, чүнки онун давранышы мәсиһилијин инкишафына бөјүк манеә иди (Гт 2:11—14).
Һикмәт хәзинәсиндән инҹиләр
it-2-E с. 177
Өпүш
«Саф өпүш». Илк мәсиһиләр бир-бирини саф өпүшлә (Ром. 16:16; 1 Кор. 16:20; 2 Кор. 13:12; 1 Салон. 5:26), јахуд гардашлыг мәһәббәти илә өпүрдүләр (1 Бут. 5:14). Еһтимал ки, сөһбәт ејни ҹинсли мәсиһиләрдән ҝедир. Бу ҹүр ҝөрүшмәк адәти гәдим јәһудиләрдә дә вар иди, онлар да бир-бирилә өпүшүб ҝөрүшүрдүләр. Мүгәддәс Китабда тәфәррүатлар јазылмаса да, «саф өпүш», јахуд «гардашлыг мәһәббәти илә өпмәк» мәсиһи јығынҹағында һөкмранлыг едән саф мәһәббәт вә бирлији әкс етдирирди (Јәһ. 13:34, 35).
27 МАЈ — 2 ИЈУН
Һикмәт хәзинәсиндән инҹиләр
it-1-E с. 880
Галатијалылара мәктуб
Булус «Еј дүшүнҹәсиз галатијалылар!» дејәндә галлардан төрәјән вә Галатијанын шималында јашајан етник групу нәзәрдә тутмурду (Гт 3:1). Әксинә, Булус Галатијадакы јығынҹаглардакы бәзи мәсиһиләри мәзәммәт едирди. Чүнки онлар араларындакы иудаизм тәрәфдарларынын тәсири алтына дүшмүшдүләр. Јәһудиләр јени әһдин сајәсиндә мүмкүн олан вә иман сајәсиндә салеһ сајылмаға чалышмаг әвәзинә, Мусанын Гануну васитәсилә өз салеһлик гајдаларыны тәсис етмәјә чалышырдылар (2:15—3:14; 4:9, 10). Булусун мәктуб јаздығы Галатија јығынҹаглары (1:2) јәһудиләрдән вә гејри-јәһудиләрдән тәшкил олунмушду. Гејри-јәһудиләрин ичиндә һәм сүннәт олунмуш прозелитләр, һәм дә сүннәт олунмамыш адамлар вар иди. Онлардан бәзиләри келтләрин төрәмәләри идиләр (Һв 13:14, 43; 16:1; Гт 5:2). Јашадыглары әрази Галатија адландығындан Булус онларын һамысына «галатијалылар» дејә мүраҹиәт етмишди. Булус Галатијанын шималында һеч вахт олмамышды. Мәктубдан исә баша дүшүлүр ки, Булус бу Рома әјаләтинин шималында јашајан танымадығы адамлара јох, ҹәнуб һиссәсиндә јашајан, јахшы таныдығы кәсләрә мүраҹиәт едирди.