Јегова бизә Хиласкар верир

29 Аллаһын јаратдығы илк руһани варлыг, Онун үчүн илк оғул кими иди.

Аллаһ ону чох севир вә ондан истифадә едәҹәк ки, пис инсанлары мәһв, итаәткарлары исә хилас етсин (Јәһја 3:16, 36).

30 Јегова Өз Оғлуну јер үзүнә ҝөндәрди. О, инсан кими доғулду. О, Иса адланды. Онун анасынын ады Мәрјам иди (Лука 1:30—35).

31 Иса бөјүјәркән јахшы шејләр өјрәдирди. О, тә’лим верирди ки, јалныз Јегова һәгиги Аллаһдыр (Марк 12:29, 30).

Иса деди ки, биз јалныз Јеговаја ибадәт етмәлијик (Матта 4:10; Јәһја 4:23, 24).

О, һәм дә инсанлара Јегованын Падшаһлығы һаггында өјрәдирди (Лука 17:20, 21).

32 Иса хәстәләрә шәфа вериб, бир чох хејирхаһ ишләр едирди. О, пислик етмирди (Һәвариләрин ишләри 10:38; 1 Петер 2:21, 22).

Бәс о, бизи ҝүнаһ вә өлүмдән неҹә хилас едә биләрди?

33 Хејирхаһ инсанлары хилас етмәк үчүн о, Аллаһа гурбан тәгдим етмәли иди. Кечмиш заманларда Аллаһ инсанлара әмр етмишди ки, өз ҝүнаһларына ҝөрә һејванлардан гурбан ҝәтирсинләр (Ибраниләрә 7:25, 27).

34 Иса гурбан үчүн һејван тәгдим етмәди. О, бизим үчүн өзүнү гурбан верди (Матта 20:28; Ибраниләрә 10:12).

Билирсәнми нә үчүн?