Дәрс 10

Аллаһын нифрәт етдији әмәлләр

Аллаһын ҝөзүндә пис сајылан шејләрә неҹә мүнасибәт бәсләмәлијик? (1)

Ҹинси мә’нада һансы давраныш тәрзи дүзҝүн дејил (2)

Мәсиһчи јалана (3), гумар ојунларына (3), оғурлуға (3), зоракылыға (4), спиритизмә (5), сәрхошлуға (6) неҹә јанашмалыдыр?

Инсан пис вәрдишләрдән неҹә азад ола биләр? (7)

1. Аллаһын хидмәтчиләри хејирхаһлығы севирләр. Лакин онлар пислијә нифрәт етмәји дә өјрәнмәлидирләр (Мәзмур 97:10). Бу о демәкдир ки, Аллаһын нифрәт етдији ишләрдән гачынмаг лазымдыр. Бу ишләрдән бә’зиләри һансылардыр?

2. Әхлагсызлыг. Никаһа гәдәрки ҹинси әлагә, зина, һејванларла ҹинси әлагә, јахын гоһумлар арасында ҹинси әлагә вә һомосексуализм Аллаһа гаршы ишләдилән ҹидди ҝүнаһдыр (Левилиләр 18:6; Ромалылара 1:26, 27; 1 Коринфлиләрә 6:9, 10). Әҝәр ики нәфәр никаһда олмадыглары һалда бир јердә јашајырларса, јахшы оларды ки, онлар ја ајрылсынлар, ја да никаһа дахил олсунлар (Ибраниләрә 13:4).

3. Јалан, гумар ојунлары, оғурлуг. Јеһова Аллаһ һеч заман јалан данышмыр (Титуса 1:2). Онун лүтфүнү газанмаг истәјән кәсләр јалан данышмамалыдыр (Сүлејманын мәсәлләри 6:16-19; Колослулара 3:9, 10). Гумар ојунларынын бүтүн нөвләри аҹҝөзлүк һисси ојадыр. Буна ҝөрә дә мәсиһчиләр лотереја, ат јарышлары вә гумар ојунларынын бу кими һеч бир нөвүндән истифадә етмирләр (Ефеслиләрә 5:3-5). Мәсиһчиләр оғурлуг да етмирләр. Онлар оғурланмыш шејләри алмыр вә башгаларына мәхсус олан әшјалары да иҹазәсиз ҝөтүрмүрләр (Чыхыш 20:15; Ефеслиләрә 4:28).

4. Гәзәб тутмалары, зоракылыг. Гаршысы алынмајан гәзәб зоракылыға тәшвиг едә биләр (Тәквин 4:5-8). Зоракы адам Аллаһын досту ола билмәз (Мәзмур 11:5; Сүлејманын мәсәлләри 22:24, 25). Гисас алмаг вә еһтимал ки, башгаларынын бизә етдији пислијин әвәзини писликлә өдәмәк дүзҝүн дејил (Сүлејманын мәсәлләри 24:29; Ромалылара 12:17-21).

5. Ҹадуҝәрлик вә спиритизм. Бә’зи инсанлар хәстәликләрдән сағалмаг үчүн руһларын гүввәсиндән истифадә едирләр. Диҝәрләри, дүшмәнләри хәстәләнсинләр вә һәтта өлсүнләр дејә онлара ҹаду едирләр. Бүтүн бу әмәлләрин архасында дуран гүввә Шејтандыр. Буна ҝөрә дә мәсиһчиләр һеч бир вәҹһлә бу ишләрдә иштирак етмәмәлидирләр (Тәснијә 18:9-13). Јеһова илә сых гаршылыглы мүнасибәтләри горумаг, башгаларынын бизә гаршы етдији ҹадудан ән јахшы мүдафиә үсулудур (Сүлејманын мәсәлләри 18:10).

6. Сәрхошлуг. Шәраб, пивә вә ја диҝәр спиртли ичкиләрдән бир гәдәр ичмәкдә пис бир шеј јохдур (Мәзмур 104:15; 1 Тимотејә 5:23). Амма чох ичмәк вә сәрхошлуг етмәк Аллаһын ҝөзүндә дүзҝүн дејил (1 Коринфлиләрә 5:11-13; 1 Тимотејә 3:8). Спиртли ичкиләрдән һәддиндән артыг истифадә етмәк сағламлыға зәрәр вурар вә аиләнин дағылмасына сәбәб олар. Бундан әлавә, гәдәриндән артыг спиртли ички ичән инсан асанлыгла башга пис әмәлләрә дә уја биләр (Сүлејманын мәсәлләри 23:20, 21, 29-35).

7. Аллаһын пис сандығы ишләрлә мәшғул олан кәсләр “Аллаһын Падшаһлығыны мирас алмајаҹаглар” (Галатијалылара 5:19-21, И–93). Әҝәр сиз Аллаһы һәгигәтән дә севир вә Ону мәмнун етмәк истәјирсинизсә, бу ҹүр ишләрдән јаха гуртара биләрсиниз (1 Јәһја 5:3). Аллаһын ҝөзүндә пис олан шејләрә нифрәт етмәји өјрәнин (Ромалылара 12:9). Өзләриндә Аллаһа мәгбул вәрдишләри инкишаф етдирән адамларла үнсијјәтдә олун (Сүлејманын мәсәлләри 13:20). Сизә јеткин мәсиһчи достлар да көмәк едә биләрләр (Јагуб 5:14). Ән башлыҹасы исә, Аллаһа дуа едәрәк Онун көмәјинә архаланын (Филипилиләрә 4:6, 7, 13).

[20, 21-ҹи сәһифәләрдә олан шәкилләр]

Аллаһ сәрхошлуға, оғурлуға, гумар ојунларына вә зоракылыға нифрәт едир.