ДӘРС 15

Иса Мәсиһ кимдир?

Чап версијасы

Иса Мәсиһ ән ҝөркәмли тарихи шәхсијјәтләрдән биридир. Амма чохлары Исанын садәҹә адыны билир. Онун кимлији барәдә исә фәргли фикирләр мөвҹуддур. Бәс Мүгәддәс Китабда Иса һаггында нә јазылыб?

1. Иса һаггында нә билирик?

Иса ҝөјдә јашајан гүдрәтли мәләкдир. Јеһова Аллаһ һәр шејдән әввәл, ән биринҹи ону јаратмышды. Мәһз елә бу сәбәбдән о, «бүтүн хилгәтин илки» адланыр (Колослулара 1:15). Мүгәддәс Китабда дејилир ки, Иса Аллаһын «јеҝанә Оғлу»дурa, чүнки о, билаваситә Јеһованын јаратдығы јеҝанә варлыгдыр (Јәһја 3:16). О, Атасы Јеһова илә сых әмәкдашлыг етмиш вә бүтүн диҝәр шејләрин јарадылмасында Она көмәк етмишди. (Мәсәлләр 8:30 ајәсини охујун.) Исанын бу ҝүн дә Јеһова илә јахын мүнасибәти вар. Мүгәддәс Китабда Иса һәм дә «Сөз» адланыр, јәни о, Аллаһын адындан данышараг Ондан ҝәлән хәбәрләри вә өјүд-нәсиһәтләри чатдырыр (Јәһја 1:14).

2. Иса нә үчүн јер үзүнә ҝәлмишди?

Тәхминән 2000 ил бундан әввәл Јеһова мөҹүзә ҝөстәрди. О, мүгәддәс руһу васитәсилә Исанын һәјатыны ҝөјдән Мәрјәм адлы бакирә бир гызын бәтнинә көчүрдү. Беләҹә, Иса инсан кими дүнјаја ҝәлди. (Лука 1:34, 35 ајәләрини охујун.) Јеһова Исаны јер үзүнә ҝөндәрди ки, о, вәд едилмиш Мәсиһ олуб бәшәријјәти хилас етсинb. Мүгәддәс Китабда Мәсиһ барәдә јазылмыш бүтүн пејғәмбәрликләр Исанын үзәриндә јеринә јетди. Бунун сајәсиндә инсанлар Исанын «Мәсиһ, вар олан Аллаһын Оғлу» олдуғуну асанлыгла баша дүшдүләр (Мәтта 16:16).

3. Иса Мәсиһ инди һарададыр?

Исанын јер үзүндәки һәјаты битәндән сонра Аллаһ ону мәләк кими дирилдиб, ҝөјә апарды вә орада «ону даһа јүксәк мөвгејә уҹалтды» (Филиппилиләрә 2:9). Иса инди бөјүк сәлаһијјәт саһибидир. Јеһовадан сонра икинҹи варлыгдыр.

Д Ә Р И Н Л И Ј Ә В А Р Ы Н

Иса һаггында даһа чох өјрәнин вә ҝөрүн онун һаггында өјрәнмәк нә үчүн ваҹибдир.

Иса илә Вәфтизчи Јәһја сујун ичиндә дајаныб, Исанын вәфтизиндән сонра ҝөјдән ҝәлән сәси динләјир.

4. Иса Мәсиһ Аллаһ дејил

Иса Мәсиһ ҝөјдә јашајан гүдрәтли мәләк олса да, Атасы вә Аллаһы Јеһоваја табедир. Буну һарадан билирик? ВИДЕОЈА бахын вә ҝөрүн Мүгәддәс Китабда Исанын Аллаһ гаршысында тутдуғу мөвге барәдә нә дејилир.

ВИДЕО: «Иса Мәсиһ Аллаһдыр?» (3:22)

Нөвбәти ајәләр бизә Јеһова Аллаһла Иса Мәсиһ арасындакы фәрги баша дүшмәјә көмәк едир. Ајәләри охујун вә нөвбәти суаллары мүзакирә един.

Лука 1:30—32 ајәләрини охујун.

Мәләјин сөзләриндән «Һагг-Таала» Јеһова илә Иса Мәсиһ арасындакы фәрг неҹә ҝөрүнүр?

Мәтта 3:16, 17 ајәләрини охујун.

Иса вәфтиз олунаркән ҝөјдән ҝәлән сәс нә деди?
Сизҹә, бу, кимин сәси иди?

Јәһја 14:28 ајәсини охујун.

Сизҹә, јашда вә сәлаһијјәтдә ким даһа бөјүкдүр? Ата, јохса оғул?
Исанын Јеһоваја «Ата» дејә мүраҹиәт етмәсиндән нә өјрәнирик?

Јәһја 12:49 ајәсини охујун.

Иса өзүнү Атасына бәрабәр тутурду? Сиз бу барәдә нә дүшүнүрсүнүз?

5. Иса вәд едилмиш Мәсиһ иди

Мәсиһ Аллаһын бәшәријјәти хилас етмәк үчүн сечдији шәхсдир. Мүгәддәс Китабда Мәсиһлә бағлы чохлу пејғәмбәрликләр јер алыб. Бу пејғәмбәрликләрин сајәсиндә инсанлар кимин Мәсиһ олдуғуну мүәјјән етмишдиләр. ВИДЕОЈА бахын вә јер үзүндә оларкән Исанын үзәриндә јеринә јетән бәзи пејғәмбәрликләрлә таныш олун.

ВИДЕО: «Исанын үзәриндә јеринә јетән пејғәмбәрликләр» (3:03)

Бу пејғәмбәрликләри охујун вә нөвбәти суаллары мүзакирә един:

Микә 5:2 ајәсини охујун вә ҝөрүн Мәсиһ һарада доғулмалы идиc.

Бу пејғәмбәрлик неҹә јеринә јетди? (Мәтта 2:1).

Зәбур 34:20 вә Зәкәријјә 12:10 ајәләрини охујун. Мәсиһин өлүмү илә бағлы нәләрин габагҹадан дејилдијинә диггәт јетирин.

Бу пејғәмбәрликләр јеринә јетди? (Јәһја 19:33—37).
Сизҹә, бу пејғәмбәрликләрин јеринә јетмәсинә Иса неҹәсә тәсир едә биләрди?
Бу, Исанын кимлији барәдә нәји сүбут едир?

6. Иса Мәсиһ һагда өјрәнмәјин сизә фајдасы

Мүгәддәс Китабда вурғуланыр ки, Иса Мәсиһ һагда вә Аллаһын онунла бағлы ирадәси барәдә өјрәнмәк чох ваҹибдир. Јәһја 14:6 вә 17:3 ајәләрини охујун. Сонра нөвбәти суалы мүзакирә един: